رد: روٍآيتي..فـاقد الشي ما يعطيه..ردودكم وتشجيعكم=)

**ڪْليُ رقـِـِـِہَ** الجمعة أبريل 02, 2010 1:29 pm

بعد فتره استوعب ان اسمي مشعل..هههه

ناصر:ههههههه..يقطع سوالفك وانت توك على هالحركات البايخه اعقل وشلون تبي ابوك..يسلمك شي بالشركه وانت داج كذا..

فارس:الله طالعوا من تكلم نسينا هاه..وبعدين يقول انه بيزوجني..

ناصر:مبروووك ومن هي شعولتي..هههه

فارس:هههه..تكفى لاعاد تقول هالاسم كرهت مشعل زود ما اكرهه بسبب اسمه..

وهذي وحده صاحبة شركه هي وحيدة امها وابوها..

عايشه تقريبا ثلاث ارباع عمرها برى السعوديه بكندا..

مدري ليش ابوي يبيني اتزوجها قال ايش تصير عضدك والا تفهم عليك..

ناصر:حركات اجل بتتزوج وحده احسن منك والا ناوي تكوش ع اللي عندها..ههههه

فارس:هيه وش احسن مني يعني عشان صار عندها شركات صارت احسن مني..

وبعدين بالنسبه ع اللي عندها الله اعلم من يدري..

رن تلفون المكتب..

فارس:الوو..

مها برسميه:اهلين..استاذ فارس..

فارس ارتبك وطيح الملفات اللي بيده وعدل جلسته..

ورد بعد فتره بسيطه بربكه:اهلين..

مها:حبيت اقول لك ان اليوم ان شاء الله بصير فيه غدا عمل..

بتصير الاطراف كلها موجوده وبتحصل نقاشات..

ودعوات المطعم بتوصلكم ان شاء الله..

فارس بربكه:اوكي..

مها:امم مشغول؟

فارس:لا لا بالعكس فاضي..

مها:اها..استغربت ردك بس..ع العموم لاتنسون ع الساعه 2 الظهر تقريبا..

حبيت انا اللي ادق واقول..يالله فمان الله..

فارس:الله معك..

سكر السماعه واخذ نفس عميق وحاول يضبط نفسه استغرب حالته اللي تجيه..

كل ما انجاب طاريها..او حتى سمع صوتها او شافها..

ناصر بخبث:احم احم نحن هنا..بالله من اللي سوت فيك كذا..

فارس بثقه:وش بلاك وبعدين ليش تقول سوت ليش سامع المكالمه..

ناصر:لا خبره بهالاشياء..وباين تحبها بعد..

فارس: احم احم..

ناصر:ههههههه..وربكتك هذي خير دليل..

فارس ظل يفكر بنفسه..احبها..!لامستحيل ما ابي احبها..وبعدين انا من متى اعرف حب..وخصوصا هالانسانه مابي يربطني فيها أي شيء..معقول يافارس تحب..

ومين اللي كرهتها وانغصبت عليها بالبدايه..بالله كيف تجي..!

ناصر:ياهووووه..وتقول ماتحب بعد الا ميت فيها..هي اللي بتتزوجها؟؟

فارس:اقوول وش رايك نطلع من الشركه جتني كتمه امش نتمشى..

دامك فاضي امش معي..

ناصر:ولا ترد حتى..مو مشكله نتمشى نتمشى..

وبعدين ابوك ماراح يقول لك شي تو الدوام باوله..

فارس:قال ابوي قال..امش بس وذكرني ارجع عالساعه 2..

لان فيه غدا عمل..

ناصر باستغراب:اوكي..يالله بس وين ناوي تروح؟؟

فارس وهو يطلع من مكتبه:مدري وين ما اروح اروح..

/

فاقد الشي ما يعطيه..

/

ساره:هنووووووووووف..!

هنوف وهي متغطيه بالبطانيه:يووه خمس دقايق بس..

ساره:صار لك نص ساعه وانتي تقولين خمس دقايق..اخلصي قومي ماني فاضيه لك..الناس ظهر ووراك محاضره..قولي لي اذا ماتبين تروحين وفكيني..؟

هنوف:برووح بس نعساااانه..

ساره:اخلصي اخوك فيصل هو اللي بيوصلك وانتي تاخرتي عليه يا هبلا..

يتبع

**ڪْليُ رقـِـِـِہَ** الجمعة أبريل 02, 2010 1:30 pm

هنوف تقوم من السرير بسرعه:فيصل اللي بيوصلني كذااابه..ليش ماقلتي لي..
ساره فطست ضحك:ههههههههههه
هنوف:وش قلت شي يضحك ..والا شكلي يضحك..
قامت وقعدت تطالع بالمرايه..
ساره وهي تمسك نفسها من الضحك:خلاص قمتي لاتقولين نعسانه الحين..
وتكمل وهي تطلع برى الغرفه:ووشسمه مو فيصل اللي بيوصلك خالد..ههههه..
هنوف تلتفت عليها معصبه وتضغط على اسنانها:سااااااااااااره..
هين انا اوريك يالدبه..
طلعت ساره برى الغرفه ابتسمت هنوف لاشعوري..
وتنهدت..تحب اختها تحب عيشتهم رغم كل اللي فيها عايشينها..
بعد مابدلت ملابسه ولبست العبايه اخذت الشنطه..
وطلعت برى الغرفه دق تلفونها..طلعت الجوال شافته رقم غريب..
هنوف:اممم مين هذا يعني..
مايمدي ارد الحين سكرت الجوال ونزلت لاخوها تحت..
/
فاقد الشي مايعطيه..
/
حمد قاعد في الصاله ويناظر في جواله:اففف..
حط الجوال جنبه..
دخلت دلال وام حمد للصاله..
ام حمد:اليوم جاني اتصال من ام بندر..
وتكمل وهي تناظر بحمد:وش تسوي هنا؟؟
حمد بطفش:لابس مافيه شغل يستاهل وجودي واستاذنت من ابوي وطلعت..
دلال:ايه كملي وش كانت تبي؟؟
ام حمد:ماني عارفه وش اقول صراحة..
دلال بصدمه:لايكون ماراح يخطبونها..
ام حمد :لا مو كذا بس..
دلال:بس ايش؟؟
ام حمد بصوت واطي:بيخطبون ميساء..هي اللي عجبتهم..
دلال:ايش؟؟
ام حمد بصوت اعلي:بيخطبون ميساء بدل منيره..
دلال:نعم..!
دخلت ميساء لابسه العبايه بتروح الجامعه وباستغراب:السلام عليكم..
نهاية البارت الاول(الفصل الرابع)
قراءة ممتعه=)

**ڪْليُ رقـِـِـِہَ** السبت أبريل 03, 2010 3:55 am

البارت الثاني(الفصل الرابع)
الكل:وعليكم السلام..
ام حمد تتنحنح وتناظر في دلال وتعطيها نظرات غير مفهومه..
كانت تنتظر متى ميساء تتكلم..
ميساء باستغراب:حمد وش تسوي هنا؟؟
ام حمد تنهدت بصوت مسموع وغمضت عيونها..
حمد:انا مدري وش مسوي لكم الظاهر مضايقكم بجلستي معكم والا ايش..
ميساء بعد ماناظرت بأمها باستغراب:هههه لا شدعوا بس سؤال..
حمد:مستأذن بعد يعني ايش..
مسك جواله وطالع فيه متحسف على شي..
ميساء وكأنها تذكرت:ايه صحيح حمد ايش الرقم اللي كنت تبيه مني امس..
حمد بربكه ونزل جواله:هاه لا مو لازم خلاص..
وقال في نفسه اكيد اجل كانت مي يمي ولا درت عن نفسها لما قالت خذه من جوالي..
ميساء: اوكي براحتك اجل..استأذن انا تأخرت حيل ع الجامعه..
حمد:اهآآ عشان كذا..
الكل يناظر فيه باستغراب ميساء:ايش؟؟
حمد حس على نفسه وابتسم متفشل:لا ولا شيء..بس كنت افكر..
لانه عرف ليش هنوف ماردت عليه قبل شوي..
ميساء: يالله مع السلامه..
الكل :الله معك..
وعلى طلعتها جت منيره:صباح الخير..
ام حمد ودلال:صباح النوور..
منيره:سيد حمد ماودك ترد والا ايش..
حمد:صباح النور معليش كنت لاهي بالجوال..
منيره:شفيها ميساء طلعت..
دلال:وشفيها بعد وراها جامعه..
ام حمد بعد ماقامت من الكنبه:انا قايمه الحين بروح لعزيمة غداء عند الجيران..
منيره بطفش:تو امس كان عندكم عزيمه مامداهم..
ام حمد:وش تبين يعني اردهم واذا عزموا يعني فيها شيء..
منيره:طيب براحتكم مجرد تعليق بس..
ام حمد تناظر في دلال:ماودك تجين معي؟؟
دلال:لا بروح اتغدى اليوم مع وليد..
منيره بصوت واطي:عقبال ما اقول كذا يارب..
ام حمد تناظر فيها بنظرة غير مفهومه منيره بربكه:وش فيك ترى مو قصدي شي احلم بس..
وتنزل راسها من الحياء..ام حمد تتنهد وتطلع من الصاله..حمد:اجل على كذا مين بيتغدا معي؟؟
منيره:وانت همك بس بطنك..
حمد:ياحسافه بس ..اجل ليتني ما استأذنت من الشغل..
الا صحيح ميساء متى ترجع؟؟
منيره بدون اهتمام:امم مدري..يمكن ع الساعه ثلاث او اربع..
حمد:اوووف..
منيره:شفيك؟؟
حمد: هاه لا ولاشيء..
انا طالع اتمشى تجين معي؟؟
منيره:غريبه تعزمني..
حمد:تجين والا اغير رايي..وش اسوي فيك ماراح تتغدين معي الا اذا طلعتك..
منيره:ههههه..اوكي بطلع معك مو مشكله..بس بشرط..
حمد:وشو الشرط طيب..
منيره:امم تغديني على حسابك..
حمد:ادري انا طالع اتغدى اصلا..فكسرتي خاطري تتغدين هنا لحالك..
ههههه
منيره:يوووه منك متى تفهم بالحريم بس..الله يعين اللي بتتزوجك..اروح البس الحين؟؟
حمد بصوت واطي:ايه هين الله يعينها..بس خليني اوريها من حمد..
منيره:ايش؟

حمد:هاه ولا شيء البسي بسرعه انتظرك انا..

يتبع

**ڪْليُ رقـِـِـِہَ** السبت أبريل 03, 2010 3:56 am

/
فاقد الشي مايعطيه..
/
يدخلون المطعم مع بوابه وسيعه وفخمه..تتوسطها نافوره عليها اضائه هاديه ..
وتحفهم التحف الغاليه والاثريه من كل جهه..
التصميم فخم بكل معنى الكلمه..والمساحه وسيعه..وتعم فيها الموسيقى (سلو)..
مطعم جوه والناس اللي فيه تقريبا ينسيك ان انت بالسعوديه..اغلبيته اجانب..
ويكسر الهدوء والروقان هذا كله..ضجيج الصحافه برى المطعم وكاميراتهم..
ومحاولاتهم للحديث معها..وهذا غير الحرس الشخصيين لها وامن المطعم اللي يمنعونهم..سواء من الحديث معها..او من تعكير صفاوة الجو الخاص بالمطعم..
تدخل بكل ثقه واعتياديه على هذي المناطق والاوضاع..
وبجنبها ابوها وابو مشعل..ولاننسى فارس اللي نبضه متلخبط..
وكم موظف خاص بالشركتين..
لكن فارس كالعاده بحضورها تتبعثر هيبته..وهذا اللي مجننه..ولاسيما..
كلام ناصر انه اكيد يحبها..وهذا الشي هو مايبيه..!
يجذبون الانظار سواء من السعوديين الموجودين او الاجانب..
او بالاصح هي لفتت الانظار..وعلى دخولها والصحافه اللي كانت حواليها..
كان كل ظنهم انها بنت امير او شخص له منصب عالي جدا..
وكونها كاشفه وجهها والشيله كانت مجرد منظر..واللهجه سعوديه..
لفت انتباههم اكثر..
ابو مشعل يعطي فارس نظرات غريبه لما وصلوا للطاوله اللي تتوسط المطعم..
وكان يأشر له على الكرسي اللي بتجلس عليه مها..
فارس بعد فتره بسيطه فهم ان ابوه يبيه يسحب الكرسي لها..
عدل شماغه وسحب الكرسي قبل لاتجلس مها ابتسمت بطريقه غريبه..
فارس عجز يفسر لكن ظنها استحقرته او شي كذا..
كان بيجلس جنبها لكن قال في نفسه:عشان ارووح فيها..
جلس قبالها وهي كان جنبها ابوها من جهه..
والجهه الثانيه محامي شركتهم..
خاضوا في الامور الماليه والنقاشات وفارس ظل متنح بشكل بمها بلهجتها..
بابتسامتها الهاديه اللي تعطي ثقه تبعثر غرور اللي قدامها..
فيها شي غريب يشده فيها لغز عجز يفكه..
مها شي مشفر قدام فارس يجذبه اكثر واكثر..لكن موراضي يعترف بالحقيقه..
يطلبون الاكل وتهدى النقاشات اللي مادخلت عميق اصلا بحكم انهم بمطعم..ومو اجتماع عادي..
..
منيره تطالع بالمبنى من فوق لتحت:غريــب توني احس انا من الطبقه المخمليه..

حمد وهو يخطو خطوات واثقه لداخل ومتعود:هههه..من زمان لكن عشان تعرفين من حمد اللي ماتبين تتغدين معه..

يتبع

**ڪْليُ رقـِـِـِہَ** السبت أبريل 03, 2010 3:56 am

منيره تضربه بخفه بشنطتها:شاف نفسه الاخ بعد..
حمد:هههههه
منيره:لهذي الدرجه هالمطعم مشهوور حشا وش هالصحافه اللي برى؟
حمد:لا قديم مو جديد..بس شكله فيه شخصيه مشهوره والا شي كذا..
المهم امشي ناكل انا بطني يستغييث..
منيره :ههههه
دخلو لداخل وشافوا الطاوله الممتده والمزحومه بمنتصف المطعم..
وعليها رجال اعمال باين من اشكالهم وحرمه وحده تتوسطهم..
منيره باستغراب:غريبه..
حمد وهو يتجه لطاولتهم القريبه شوي من طاولة (غدا العمل):ايش اللي غريبه..
منيره وهي تقعد:لابس مدري حاسه شكل هالحرمه بينهم غلط..
حمد بخبث:غيرااانه يعني..
منيره تلتفت عليه بسرعه:وشوو..قال غيرانه قال هذا اللي ناقص انا اغار..
وعلى ايش اغار بالله..
حمد يكمل خبثه:لابس يعني جمالها وعيون الرجال اللي بتاكلها..
وينزل راسه ويغطي وجهه بشماغه..
منيره بعصبيه:ياسلام اشووف عاجبك الوضع..وبعدين شفيك نزلت راسك هاه..
حمد من غير مايرفع راسه وبصوته الضحكه:لابس مابي احد يشوفني معك..
منيره تعض شفايفها من القهر وتضغط على ايديها:حمممممد..
حمد يرفع راسه ميت ضحك:احم احم
لبيـــه
منيره تحس على تصرفاتها اللي هي تعتبرها تصرفات صبيانيه:اقوول اطلب بس وخلصنا..
حمد يبستم بهدوء:يازينك وانتي معصبه قبل شوي..تذكريني بميساء..
منيره مجرد انه ذكر اسمها حست بشي غريب وضيقه بصدرها ردت عليها بهزه راسها واكتفت بالسكوت..وخلت الضيقه مجرد احساس داخلي..
حمد وهو يطالع بطاولتهم:تصدقين اعرفهم اشكالهم مو غريبه علي..قابلتهم قبل كذا..بس وين مدري..
منيره:اذا هم رجال اعمال يمكن باجتماع والا شي..
ويرن جوال حمد:يوووه ياهالتلفون اللي مايسكت..
حمد:ياهلا..
منيره اخذت المنيو اللي ع الطاوله وقامت تتصفح وجذبتها اسماء الاكلات..
تكلمت بصوت عالي وبكل عفويه بعد فتره بسيطه لانها شافت حمد سكت..
منيره:اقووول حمد شكل هالاكله حلووه ابيها اسمها يجذب..ههههه
رفعت راسها وناظرت بحمد اللي كأنه سمع شي وجمده ثواني..
وعطاها نظره مافهمتها..لكن ظنت انه يقول لها اسكتي فنزلت راسها للمنيو وسكتت..
حمد:ان شاء الله..
وسكر الجوال ومعالم وجهه ماتتفسر..
حمد بهدوء غريب وبدون ملامح:هاه ايش كنتي تقولين قبل شوي..
منيره:لابس كنت اقول لك بطلب اكله بس مو لازم خلاص..
حمد ظل يحرك الشوكه اللي عنده وكأنه يفكر بشي ولارد عليها..
ماحبت منيره تسأله لانها قالت اكيد الاتصال كان من الشركه..
وفي نفس المطعم ونفس الاجواء والانفاس بالطاوله اللي قدامهم بكم خطوه تقريبا..
وصل الاكل والنقاشات والتفاوضات هدأت وصار الحديث هادي وخرج عن نطاق الشركه والشغل..
وكلن اخذ طبقه وبدأ بالاكل ببرستيج يليق بالطبقه اللي هم يعيشونها..
يتبع

**ڪْليُ رقـِـِـِہَ** السبت أبريل 03, 2010 3:57 am

فارس كانت عيونه على مها لكن من غير ما تلاحظ ومن غير هو مايدري وش السبب..

او بالاصح يعترف وش السبب..

انتبه للمحامي اللي جالس بجنبها وهو يلتفت لواحد بجنبه ويكلمه بصوت واطي..

واللي شده اكثر تبديلهم للصحون وشوي اللي يقومون بهدوء وكل واحد يجلس مكان الثاني..

فارس حس بشي يشتعل بداخله..وخصوصا ابتسامات هذا الشخص اللي قعد بجنبها..

وكأنه يبي شي معين..وبما ان فارس يعرف معظم الحركات ويجربها فهو درى ان فيها ان بالموضوع..

الموظف اللي قعد جنبها(بندر) وبصوت يجذب:لاشكلك من اللي يسوون رجيم..

مها تبتسم بهدوء:وليش حكمت كذا..

بندر ويقرب من عندها وانفاسه تحتك فيها:لابس اشوف معظم اكلك خضره..

مها بكل ثقه:مو رجيم لكن تقدر تقول اني شبه نباتيه..

بندر وكأنه يدور شي يناقش فيه:جد وكيف تجي شبه هذي..

فارس كان ضاغط على الشوكه وعلى شفايفه وعيونه مانزلت عنهم ابدا..

حس بشي يغلي داخله..لدرجة انه تمنى يفجر فيه لانه قعد جنبها..

باقي حديثهم كان بصوت واطي وماكان يسمعه بوضوح فارس..

قطع عليه تركيزه صوت جواله ونغمة(مشاعل)طلعه من جيبه وسكره ورماه بعصبيه ع الطاوله..والبعض لاحظ حركته الغريبه لكن كملوا احاديثهم..

بندر بابتسامه خبيثه:طيب ممكن الرقم اجل..

هنا فارس رفع راسه وضغط على ايدينه وقام من الكرسي معصب وطاح الكرسي وراه..فارس بغضب:وش وراها ان شاء الله..

اتجه لجهة بندر لاشعوري لكمه بقوه على وجهه ماحس على نفسه الا وكل اللي على الطاوله قاموا ونظرات ابوه اللي تتوعد عليه..

ومها الخايفه والمستغربه بنفس الوقت من حركته..

بندر وهو مغمض عيونه والدم ينزف من فمه وبعصبيه:ممكن اعرف وش السبب..

فارس ماقدر يتحمل نظرات المطعم اللي توجهت بشكل مرعب عليه..

ونظرات مها المستغربه..والا ابوه المتفشل واللي متوعد عليه بشي..

اخذ الجوال وطلع معصب وضاغط على اسنانه وبخطوات سريعه وصل لسايقهم اللي جو معه..

..

وفي نفس القوت منيره:حمدلله والشكر مو صاحي وش فيه..

حمد باستهزاء:تلقينهم رفعوا السعر زياده عن اللزوم..

منيره:والله الحاله من جد..

وقعد تكمل اكلها..

حمد وهو يقلب بأكله وافكاره تجيبه وتوديه والاتصال اللي ورطه قبل شوي..

وهذا غير هنوف اللي رسى على آخر شي(الظاهر انك حبيتها..!)

..

فارس بعصبيه:اقووول لك كان يبغى رقمهاا..!

ناصر يهديه:طيب انت ماسمعت اللي قبل وبعدين واذا بغى رقمها فيها شي بالله؟؟

فارس:اكيد فيها شي ..

ناصر:لاتنسى انك ماخذ رقمها..وبعدين وشو هالشي هاه؟؟

فارس وهو يضغط على اسنانه وغمض عيونه:ناسي اني مجبور اتزوجها..

ويكمل بصعوبه وبصوت مو واضح:والظاهر اني حبيتها..!

ناصر يضحك:يعني دق هالقلب..

يتبع

**ڪْليُ رقـِـِـِہَ** السبت أبريل 03, 2010 3:58 am

/
فاقد الشي مايعطيه..
/
هنووف وهي ماسكه ملف وتهف نفسها فيه:ميسووو وبعدين..صار لنا ساعه الا ربع وحنا ننتظر..سايقكم الظاهر نام..
ميساء:شفيك اصبري ليش مستعجله..
هنوف:ليتني ماسمعت كلامك وقلت لاخوي يجيبني..اوف الحين مايمديه راح للشركه..
ميساء:هههه..احسك شوي وتكفخيني والا تحسفتي انك بتجين معي..
هنوف:تبين الحقيقه..ايه..
ميساء:هنوف ودي اقول لك شي يحوس في قلبي من امس..
هنوف تلتف لها باهتمام وبسرعه:وشو قولي انا داريه من يوم شفت خشتك ان فيك شي..
من امس وانا اطلبك تقولين بس مافيه مصممه..والحين اخيرا انصعتي..
ميساء:هجمتي علي ..بشويش بالله..المشكله ماني عارفه كيف اقول لك و.......
ناصر..
هنوف تقرب باهتمام وبخبث:وش فيه ناصر ايوه كملي..
ميساء بتوتر:انتي دريتي انه كان حاضر العزيمه امس..وو..
هنوف:وايش حرقتي دمي؟؟
ميساء وهي منزله راسها:لابس شفته..وهو اللي دق وسكرت..وانتي كنتي موجوده وقتها..
هنوف باستهبال:قوولي قسم كنت موجوده لما شافك كيف كان بالله..
ميساء بحياء وتضربها على كتفها:ياهبلا اقصد لما دق يعني..
هنوف بخبث:احم احم..متواعدين يعني والا ايش..كيف شافك هاه..
ميساء بربكه:لابس قصه طويله..وبعدين وش هالكلام انا اقصد شافني..
يعني بالصدفه بس استغربت انه عرفني..
وبعد ثواني:يووووه تذكرت..
هنوف:ايش اللي تذكرتيه؟؟
ميساء:لابس هو وقتها كان داق وطلع وشافني ماسكه الجوال...وو كذا يعني..
هنوف متنحه :هاه..خلاص خلاص مو لازم..
يدق جوال ميساء..بنغمته اللي صار لها صدى لان المكان شبه فاضي تقريبا..

ميساء:اهليــن..
حمد:اهلين ومرحبتين أي والله..
ويكمل:ايه انا جايكم بما ان السايق ماخذته امك..
وشسمه مايحتاج تقولين لهم انه انا اخوك قولي لهم السايق..
ميساء باستغراب:وليش؟؟متبري منا يعني؟؟هههه
حمد تورط:هاه..هههه لا مو كذا بس وشسمه..
بعد ثواني:ايه هذي تعليمات امك هي قالت كذا يعني لاتقولين ان انا اخوك..
لاتسأليني ليش لاني مدري بعد..
ميساء باستغراب:امي؟! غريبه كل شي جايز طيب انت الحين وصـ..
حمد يقاطعها:ايه ايه جيت..بس هاه مثل ماقلت لك اقصد يعني مثل ماتقول الوالده..
ميساء بدون اهتمام:اوكي مو مشكله..يالله فمان الله..
حمد:فمان الرحمن..
ويسكر الجوال ويحطه بجيبه..ويضبط مراية السياره ويعدل نظاراته وشماغه..
حمد:ياحليلي والله انفع اصرف قال الوالده..بس مدري تعدي عليها والا لا..
ياحبي لك ياسليم ياجعل امي تاخذك مشاوير كل يوم..
ويطالع من الدريشه ويشوف ثنتين جايات عنده..
حمد:الحمدلله اللي نبيها جايه اشوااا..
بس مدري اذا هي اولا؟؟..لا لا هي هذا هو زولها..

ينفتح الباب اللي وراه..

يتبع

**ڪْليُ رقـِـِـِہَ** السبت أبريل 03, 2010 3:58 am

:اوووف ياشينك حتى انت تعرف تأخر..
حمد يبتسم ويصد..
ويقول بنفسه:اووف يازينك هذا هو صوتك..
بس يارب ماتعرفنا عاد..
ميساء تدخل وتسكر الباب وراها:السلام عليكم..
لما قعدت تذكرت انه يفترض يكون السايق..
حمد تورط وارتبك ودرى انه اذا تكلم بيشدها وبتناظر بتشوف هالكشخه..
وبتدري انه مو السايق..ويكفي اذا سمعت صوته اصلا..
حمد يغير نبرته:احم احم..وعليكم سلااام..
هنوف تناظر مستغربه..وحمد غمض عيونه..وقال في نفسه اكيد عرفتنا..
هنوف بصوت مسموع:هذا سايقكم شفيه متكشخ..؟
ميساء تناظر بجوالها تضيع الموضوع:شفتي هذي اللي اقول لك..
هنوف:وشو؟؟
ميساء:هاه..هاك شوفي..
هنوف:ماني فاضيه عطشااانه..ووتدرين وش مشتهيه الحين..
ميساء:ايش ان شاء الله..
هنوف:ايس كريم..ااااهـ..ياربي..خليه يمر باسكن روبنز على طريقنا..
ميساء:احم..خلاص ودنا باسكن روبنز..
ميساء تورطت على بالها انه ماراح يرضى..هنوف:احسه هاجد مدري ليه..
ميساء:مين؟؟
هنوف تناظر فيه بالمرايه:هاه لا ولا شي..
هنوف تستند بتعب ع المقعد وتطلع الجوال:تصدقين فيه رقم غريب اليوم دق..
بس اشك انه لهيام..لان هي قالت مغيره رقمها..
ميساء:خلاص دقي وشوفي..
هنوف تدق .....
((اذا ناوي تروح..
ابفهم وين اروح..
تخليني اعيش بعدك ..
بألم وجروح..
,,
واذا عني مشيت..
واذا غيري لقيت..
منو غيرك انا بلقى..
ياروح الروح..
,,
يعني ترضاها علي..
تترك ايدينك ايدي..
تنسى من عايش عشانك..
ان كان ميت او حي..
,,
واذا نويت تحب تعشق ثاني..
امانه لاتنساني..
اني احبك مووت..
,,
طمني عليك اذا حسيت باي اذى
بتلقاني مع قلبك اذا بكى...))
صوتها يدوي بالسياره..
هنوف ترفع راسها باستغراب لرنة السايق..وتناظر بالمرايه وتشوف..
نظرته هو..نظرة حمد يبتسم بهدوء..
ظلت متنحه مو مستوعبه ان هذا حمد..بالبدايه قالت انها مشبهه عليه..

تذكرت ان ميساء قالت السايق.. شلون يطلع حمد اخوها اقل شي..ان ميساء ماتقول السايق..يعني معقوله ميساء ما عرفته..مستحيل ظلت متنحه والاغنيه ترن في اذنها

يتبع

**ڪْليُ رقـِـِـِہَ** السبت أبريل 03, 2010 3:59 am

من جهه..وعيونه اللي تجذبها وابتسامته الهاديه من جهه ثانيه..هنوف فقدت الاحساس بنفسها والاغنيه..ماقصرت وزادت الطين بله..حست انها تعلقت بكل شبر يخصه..
حست ان ملامحه الجامده تأسرها بوحشيه..
ويقطع تلفون حمد..وبنفس الوقت ينقطع الجو اللي غاصت فيه هنووف بجنوون..
هنوف تنزل عينها من عيونه..ونفسها يزيد بصوت مسموع..
صدرها يطلع وينزل بوضوح..ايديها ترجف ومي قادره تمسك الجوال..
تغمض عيونها تحاول تجمع شي من اللي تبخر من قوتها قبل شوي..
تاخذ نفس عميق وتتنهد..تحاول تهدي نبضات قلبها اللي ازعجتها..
ميساء حست بشي غريب..بشكل هنوف اللي باين انها خايفه من شي..
او حمد اللي جواله دق الين قطع ولا رد عليه..
عقدت حواجبها وظلت تطالع بهنوف فتره..
حمد وصل لباسكن روبنز..
حمد بصوت هادي ونظراته على هنوف من المرايه:هاه أي نكهه تبون.؟
ميساء استغربت حركته وهو على كلامه مايبيها تعرف انه اخوها..
ظلت معقده حواجبها وتطالع فيه..
مو مستوعبه اللي صاير حاسه في شي بينهم..
خصوصا نظراته وخوف هنوف الواضح..
حمد وهو يناظر بهنوف:هاه ايش كنتي تبين؟؟
ويكمل بهدوء:والا اجيب على ذوقي؟؟
هنوف ترفع راسها وتناظر فيه ونفسها يزيد.. حست لسانها معقود..
حاولت تحرك شفايفها لكن ماقدرت..
ميساء بجديه:خلاص جبلها توفي ولاتتاخر..
حمد يطلع ويسكر الباب وراه..
ميساء على طول تلتفت لهنوف..وبنفس الوقت التفتت عليها هنوف بسرعه..
ميساء:ههههه..التفكير مشترك والا ايش؟؟
هنوف بجديه:ميساء..
ميساء باستغراب:وش فيك؟؟
هنوف تعطي ميساء نظرات غريبه..
ميساء:ترى كل اللي كنت بقوله..ليش ماقلتي وش تبين بس..ههههه
هنوف تنزل راسها وتغمض عيونها:ليش ماقلتي لي انه اخوك وقلتي السايق..
ميساء تورطت ماعرفت وش تفسر لها..خصوصا ان السبب اللي اعطاها..
سخيف..ظلت ساكته مي عارفه وش تقول ..
دخل حمد وسكر الباب..وحط الايسكريم جنبه..
حمد:اعطيكم الحين؟؟والا تبونه لما تنزلون بس ما اظن لانه بيذوب..

ميساء:لا هاته..
اخذته وحطته عندهم وظلت تطالع بهنوف اللي كانت معصبه وعونها على..
الدريشه اللي جنبها..
حمد كان يطالع بالمرايه بس ماكان يشوفها..

حس انها اخذت على خاطرها من الحركه..

يتبع

**ڪْليُ رقـِـِـِہَ** السبت أبريل 03, 2010 4:00 am

وصلوا للبيت ومامداهم يوقفون السياره برى..
الا هنوف تفتح الباب بسرعه وتطلع ..
واتجهت لبيتها على طول من غير ولا كلمه..
ميساء ظلت متنحه لانها كانت بتعطيها الايسكريم..
لكن كانت متوقعه انها تزعل بس مو لهذي الدرجه..
كل ظن ميساء..انها زعلت لانها مادرت وبس..لكن ماكانت داريه عن اللي صار بالضبط..
ميساء وهي داخله البيت وتفتح النقاب والشيله:كله منك ..الشرهه مو عليك علي انا الهبلا اللي سمعت كلامك..
حمد:بشويش وليش انا وش سويت؟؟
ميساء:لا ابدا ماسويت شي بس خليتني اتفشل قدام البنت..تقول لي لاتعلمينها وتروح تتكلم؟؟بالله كيف تجي هذي..!
الحين البنت تفهمني غلط..عجزت ابرر لها خصوصا ان السبب سخيف..
وترمي العبايه وتصعد معصبه لفوق..
دلال:وش هالصراخ وش صاير؟؟
حمد:لا ولاشي..
ويصعد بعد مارمى شماغه على طاوله كانت جنبه..
دلال باستغراب:بسم الله وش فيهم..!
/
فاقد الشي مايعطيه..
/
ناصر وهو يغطي عيونه بالبطانيه:دامه عيد ميلاد ..خير رايحين الساعه سبع الصبح..
ويوووم خمييس يارجاااال..!
فارس كان لابس برمودا ازرق..وكت ابيض فوقه قميص رافعه ثلاث ارباع كم..
لونه ازرق عليه بقع بيضاء..
فارس:قوووم صحيح عيد ميلاد..لكن من الصبح الى نص الليل..
وبعدين انت ناسي ان خطوبة مشعلوووه اليوم المغرب يعني اروح لهم..
الحين ومراح اطول ابدا..برجع على طول بس اسمي لبيت دعوتها..
ويقعد على طرف السرير:هذا غير الموقف اللي انحطيت معها فيه..
ناصر يقوم بكسل :طيب انا وش دخلني..
فارس:سلامات اكيد بتروح معي طبعا..من غير الموقف المحرج كنت بتروح..
فما بالك الحين وانا مالي وجه اقابلها..
ناصر وهو يتثاوب:طيب دق عليها شوف يمكن مافيه احد لاتفشلنا..
فارس:اقول لك انا سائل..وبعدين جوالي مقفل ولا ابي آخذه اصلا..
النشبه مشاعل..ذبحتني اتصالات..
ناصر وهو سرحان:تدري وش ودي..
فارس بدون اهتمام:اخلص علينا..
ناصر:امر ميساء وآخذها..واقعد انا وياها ع البحر..
فارس يضربه بالمخده:ياهووووه..اخلص علينااا..انجنيت انت الظاهر..
ناصر:ياخي الظاهر ان هذا الحب وهو مجنون على قولتهم..
فارس يقوم من السرير:شف خمس دقايق بنزل وبشوفك لاحقني..
والا ترى ماتنام هنا مره ثانيه..
ناصر يجر نفسه من السرير:قايم قايم..وتهدد انت ووجهك ياشين المذله بس..
فارس يضرب ناصر على ظهره:نمزح يابووو كله مزح..
ويكمل:بس اخلص علينا..انتظرك يالله..
,,
((فصل..اكتشف ابطالنا مايحويه ذلك القلب فيه..!))
نهاية الفصل الرابع
قراءة ممتعه=)

**ڪْليُ رقـِـِـِہَ** السبت أبريل 03, 2010 4:01 am

البارت الاول(الفصل الخامس)
"اصبت بالعزله..وتعقدت الامور..واشتبكت خيوط..فانقلب السرور..!"
ناصر يطلع من الحمام بعد ما اخذ له دش ع الطاير..
كان بس لاف الفوطه عليه راح لشنطته اللي جاي فيها لانه نايم عند فارس..
ومر ع الجوال يبي يفتحه فتحه وحطه جنبه وقعد يدور شي يلبسه..
جاته رساله ع الجوال فتحها لقا ميساء داقه عليه امس بالليل لكن وقتها كان مقفل الجوال..
ناصر وهو يضغط ع الجوال:لا لا لا لا ..ليش كذا وش هالحظ..!
فارس يفتح الباب بسرعه:نـــاصـ..ر
ويكمل وهو يبتسم:سوري اشوا دخلت قبل ما تبدل..ههههه
ناصر:تصدق انك سامج طق الباب مره ثانيه المره هذي عدت على خير..
وش تبي؟؟
فارس:وشو اللي وش ابي اخلص تأخرنا ومافيه وقت الخدامه جايه..
تقول ان ابوي يبيني وانا داري انه عشان اللي سويته بالغدا..والا عشان خطوبة مشعل اليوم..
ناصر وهو يطلع الملابس:طيب روح لابوك على ما ابدل..
فارس يقعد ع السرير ونزل راسه وبصوت مهزوز:قلت لك اذا ما كلمني ع الخطوبه اليوم..بيتكلم عن اللي سويته..وتبي الصدق ماني ناقص حنان زايد..
ناصر سكت وظل يطالع بفارس اللي نادر ماتصيبه حالات الانكسار هذي..
او بالاصح تكون بينه وبين نفسه بس..ماكان يسمح لاي احد..
انه يشوفه كذا..
ناصر يحاول يغير الجو اللي تكهرب:طيب ماودك تطس ببدل..والا بتغير لي هاه..ههههه
فارس يبتسم بهدوء غريب عليه:اوك طالع انتظرك تحت..ايه انزل على طول حاول ماتمر على ابوي مالي مزاج..ولاحق على كلامه بالخطبه..
ناصر:اوك مايصير الا اللي يرضيك ان شاء الله..
طلع فارس وسكر الباب بعدها بدل ناصر ملابسه على طول..
لبس برمودا عند الركبه وكت..
شعره كان مبلل سواه سبايكي..
كان ستايله تقريبا غريب عن المعتاد..بالغالب ثوب وشماغ..بحكم الرسميه..
لكن ناصر من النوع اللي يحب لبس الثوب..لكن في المناسبات له ذوقه الخاص فيه..
ناصر وهو يناظر في المرايه ويحك ذقنه بيده:والله اني مزيون ياميساء..والبنات يتحاذفون علي..لكن انتي طحتي علي بطريقه..انا نفسي ماني مصدقها..
بعدها بثواني يهز راسه:اقوول يارجال اعقل بس..
/
فاقد الشي ما يعطيه..
/
تمشي بالممر وشعرها منكوش وعيونها غالب عليها النعاس..كانت توها طالعه من الحمام..
متجهه لغرفتها جذبها صوت بكي بصوت عالي..فتحت عيونها زين..

وحاولت تعرف من وين الصوت..كان من غرفة ميساء..

يتبع

**ڪْليُ رقـِـِـِہَ** السبت أبريل 03, 2010 4:02 am

فركت عيونها وقربت بشويش للغرفه..اسندت ايديها ع الباب وقربت اذنها..
كان صوت بكي مثل ما توقعت..ناظرت الساعه لقتها الساعه8..
استغربت وش مصحيها الحين وليش تبكي..!
شي كان بداخلها يقوول افتحي..وبنفس الوقت قلبها اللي كان متحجر كان يرفض..!
ضغطت ع شفايفها وغمضت عيونها..وتنهدت حاولت تفتح مقبض الباب اكثر من مره..
صوت البكي كان يحرقها من داخل..كان صوت شخص محتاج..!
مر شريط حياتها بثواني قدام عيونها اللي كانت ضاغطه عليها..
ايام قبل لما كانت ميساء ثلاث ارباع الوقت عند جدهم واذا جت عندهم..كانت بحضنه..
وبنفس الوقت تتذكر شلون كانت امها تتكلم عنها ولا كأنها بنتها..!
وليش تروح بعيد حيل واقرب شي قصة العقد اللي شافته ولحد الحين..
ما عندها ادنى فكره عنه..
كل هذا خلاها تفتح الباب بقووه ماتدري من وين جتها..
ماحست بنفسها الا وهي داخل الغرفه وعينها بعين ميساء..
اللي كانت ذابله بكل معنى الكلمه..وكان الكحل مغطي خدودها..وشعرها طايح على وجهها بشكل مبهذل..
وتنهيداتها القويه وشكلها وهي ضاغطه ع المخده..بضعف غريب عليها..
حالتها كانت تشبه اللي جتها لما سمعت بموت جدها..!
منيره لا شعوري ملامح وجهها تغيرت للحنان وخطواتها جرتها شوي شوي لسرير
ميساء..
منيره باهتمام:ميسوو..شفيك؟؟ردي علي؟؟
تحط يدها على كتف ميساء تهزها اكثر من مره..ميساء كانت تبكي ولا كأنها تكلمها..
مجرد تعطيها نظرات غير مفهومه..منيره قامت مسرعه وطلعت من الغرفه وبخطوات سريعه ونظرات مرتبكه دخلت المطبخ بثواني..تبي تجيب كاس ماي لميساء تاخذ..
نفس فيها ع الاقل..اخذت الكاس وهي تصب المويه ..
سمعت صوت امها العالي من الصاله القريبه من المطبخ..
ام حمد:اقول لك بخطبون ميساء بدل منيره..مدري ايش اللي خلاهم يغيرون رايهم..
وهم قايلين انهم مختارين منيره..
منيره تشهق وتصب المويه برى الكاس..تهز راسها تحاول تشيل اللي سمعته..تبي تحط في بالها انها تحلم..
منيره:لا لا مستحيل ميساء ماتسويها فيني لو ايش..لا اكيد عشان اللي شفته الحين قمت اتخيل..
ابو حمد:ميساء؟!غريب بس كل شي جايز..يعني شافوها احلى من اختها وخطبوها..
المهم حاولي مايسوون الخطبه وانا مسافر..
كلها يومين وراجع لكم ان شاء الله..
ام حمد:ان شاء الله..بس انتظر شلون بقول لمنيره..؟؟
وبهذي اللحظه منيره تطلع من المطبخ وهي ضاغطه على شفايفها..
وعيونها تلمع وباين انها حابسه دموعها..
منيره بصوت مهزوز:مايحتاج تعلموني..
وتحاول تغصب نفسها تبتسم:قسمه ونصيب وماحصل شي رسمي عشان افكر آخذ بخاطري حتى..
وبخطوات ثقيله تتجه للدرج على طول..
ام حمد ظلت مصدومه ثواني ماتدري من وين طلعت منيره..
ابو حمد استغرب حركتها وظن انها كانت تتسمعهم..
يقطع الصمت صوت ابو حمد:المهم انا تأخرت ع موعد الطياره..شوفي بناتك
وصدقيني منيره فيها شي باين عليها..
حاولي تحلين الامور بينهم..ايه صحيح ومايحتاج اوصيك ميساء لاتزعلوونها..!
ام حمد:ايش؟؟حلوه مانزعلها واصلا ليه تزعل..اللي بتزعل منيره..
بدال ماتقول انتبهي لاتزعل منيره تقول ميساء..!
ابو حمد بجديه وهو عند الباب:اقوول انتي ادرى باللي انا اقصده..ومنيره انتي سمعتي رايها قبل شوي..والف مره قلت لك هالردود هذي ياليت ما اسمعها مره ثانيه..
ويطلع ويسكر الباب..ام حمد حست ان شخصيتها انهزت بقوه من داخل وعدم اهتمامها اللي كان باين عليها دايم..كسرته باللي قالته قبل شوي..تندمت انها سوت كذا..لكن مو عشان ابو حمد..مجرد انها كسرت برستيجها بالتعامل..!
منيره توقف عند غرفة ميساء اللي صياحها هدا شوي ..

كانت متردده تدخل والا لا..او انها تتهمها بأنها متعمده ا ن اهله يشوفونها ويتفحصونها..!

يتبع

**ڪْليُ رقـِـِـِہَ** السبت أبريل 03, 2010 4:03 am

ويلاحظون انها احلى من منيره..وان نيتها تخرب على اختها..
او حتى تسألها وش السبب اللي مخليها تبكي كل هالبكي من الصبح؟
كل هذي الافكار زاحمتها وماعرفت شتسوي..
لكن كل الي كان قاهرها في هذيك اللحظه تحديدا انها متعمده تجذب انتباههم..
فدخلت عليها بسرعه..
وظلت تطالع فيها بنظرات احتقار غريبه عليها..
ميساء كانت دايخه وتعبانه..وكانت تمسح دموعها..
ميساء بصوت تعبان:منــ..
تقاطعها منيره بعصبيه:وش بتقولين مثلا؟؟
وتكمل بنظرات احتقار وصوت هادي:هزمتك هالمره بعد..
ميساء ملامح وجهها كانت مندهشه ومي عارفه تفهم ولا كلمه..
ميساء باستغراب:ايش قصدك؟؟
منيره وهي تضغط على ايديها:انتي ادرى..وقبل ما اطلع مبرووك..الله يهنيكم..
طلعت منيره ..وميساء ظلت متنحه تحاول تستوعب شي او حتى تعرف هي عن وش تتكلم..
ميساء بتعب وهي تتمدد ع السرير:مبرووك؟! على ايش بالله..على هنوف اللي فهمتني غلط ومي راضيه ترد علي من امس..
وانا اللي كنت عادتها اختي امي كل شي بدنيتي وهي الشخص الوحيد اللي يدري عن كل شي..
بسبب شي تافه تخلت عني..!
اذا هي راحت اقدر اني اقوول انا وحيده بشكل رسمي..واللي انا فيه بتصرف فيه لحالي..
ولا وبعد كنت افكر اقول لمنيره..لكن اذا جيت بس بقول لها..سوت كذا..
وتكمل وهي تتنهد:ليش ياهنوف ماتردين ليش..يعني ياميساء صرتي بوجه المدفع الحين..وتضغط ع راسها بالمخده..وتنزل دموع كانت تحرقها من داخل ومن برى..
..
منير وهي تضغط ع راسها بايديها:وش سويت وش سويت..!!
انا من متى كذا تفكيري ليش قلت لها كذا ليش..!
وتكمل وهي تغمض جفونها بشده:ميساااء ما ابي اصير وحيده اكثر من كذا ما ابي المسافات تبعد..!
/
فاقد الشي ما يعطيه..
/
يوصلون للشاليه ويوقف ناصر السياره ..
ناصر من غير مايناظر وهو ياخذ جواله:يالله امش..
يفتح الباب ومايحس بفارس انه تحرك من مكانه..يرجع يلتفت له..
ناصر باستغراب:وش فيك امش اخلص؟؟
فارس بعد ثواني وبربكه:هاه ايش؟؟
ناصر يبتسم بهدوء:اخلص وصلنا..من اليوم مزعجني لانتأخر ومدري ايش..
واخرتك كذا..
فارس:لابس كنت سرحان شوي..
ناصر:ادري انك سرحان الا خايف بعد بس امش انا موجود..ههههه
فارس:خايف من ايش ان شاء الله..ماعلينا نازل خلاص..
وينزل ناصر من السياره ويلحقه فارس..
يوصولون للبوابه..وكانت اصوات الموسيقى عاليه وواضحه من قبل ما يدخلون حتى..
لما دخلوا ماشافوا احد بطريقهم..
ناصر:اقوول فارس غريب مافيه احد يستقبل ولاهم يحزنون..
ليتك دقيت بس وتأكدت لانتفشل الحين..
فارس:ناصر انا جايبكم تشجعني والحين بتخوفني والا ايش..

ناصر يموت ضحك:هههههههه..انا اشجعك انت مستحيل ما اصدق..

يتبع

**ڪْليُ رقـِـِـِہَ** السبت أبريل 03, 2010 4:07 am

فارس:ايه وشفيك..
ناصر:المفروض انت اللي تشجعني انت الخبير بهالسوالف..والا عشان بعض الناس يعني..
فارس:اقوول عشرين مره قلت لك انا ما اخاف منها لكن عقب الموقف اللي صار لي معها..وشرايك يعني..قمة الاحراج اصلا انا من عشان تكون ردة فعلي كذا..
ناصر بخبث:زوجها المستقبلي بعد من..
مها تقاطعه لما وصلوا عند البحر:امم مين هذي الزوجه المستقبليه..
فارس الربكه بانت عليه بشكل واضح من اول ماسمع صوتها..
مها كانت لابسه شورت ابيض..وفوقه كت وربع البطن طالع..وكانت لابسه فوقها شيفون مشجر..
ناصر يحاول يغطي ربكة فارس:لا ولا احد..ايه صحيح وين صاحبة عيد الميلاد نبارك لها..لانا مراح نطول..
مها تمسك يد فارس:لا ايش ماتطولون هذي..امش فارس اعرفك على الشله والموجودين..وبعدها نرقص وبعدين يصير خير..
ناصر بصوت واطي:ياسلام..فيها رقص بعد..رحنا وطي..
مها وهي مازالت ماسكه يده:ايش قلت يا ...؟
ناصر:ناصر..لا ولاشي ..
مها:طيب امش معنا يمكن تلقى لك احد..
مها اخذت فارس توديه للي كانوا موجودين..كانوا مجتمعين الشباب والبنات..
وعندهم مسجل..والي يرقص واللي يسولف..
فارس كان يطالع بشكل مها..وضاغط على اسنانه..ويضغط على يده الثانيه..
ناصر كان يطالع بشكله ودرى ان الوضع مو عاجبه..
لما وصلو..مها:ياشبااااااب..سكروا المسجل شوي..
كلهم التفتوا لها وسكروه..
وقبل ماتتكلم جت وحده من الموجودين..كانت لابسه تنوره قصيره كوكتيل..
وكت احمر مفتوح ظهره..
جت ومسكت يد ناصر..وناصر لاشعوري ابعد يده عنها بسرعه وعقد حواجبه..
مها تكلم البنت نفسها:اليسا..هذا فارس اللي قلت لك عنه..وهذا خويه ناصر..
هذولي حاضرين مخصوص لعيد ميلادك..
ناصر بنفسه:يوووه من بدايتها كذا الشرهه علي اللي طعت شورك يافارس..
انت متعود على هالحركات..
اليسا وهي تمسك يده وتميل على صدره وبصوت مايع:ياااي اد ايش هو بيجنن..
مها:اعرفكم هذا هو فارس..
الكل:تشرفنا..
وفيه واحد من الموجودين كان يطالع بنظرات استحقار لفارس..وبنفس الوقت يبتسم ابتسامات غير مفهومه لمها..
ويطالع فيها من فوق لتحت..
فارس وهو ضاغط على اسنانه ويقرب من ناصر:ناااصر شايف الحقير اللي هناك..والا هذي وش لابسه بعد..
ناصر بصوت واطي:اقوول هذا انت المتعود..طيب وش رايك في النشبه اللي عندي..
فارس:قال متعود قال..اللي جنبي بتطلعني مجنووون..هذيك المره عدت بلكمه..الحين اخاف ارتكب جريمه..
ناصر:ياشيخ اترك الغيره مو وقتها الحين..خلنا نطلع وخلني افتك من هاللبنانيه..
وقعدوا كلهم على طاوله..ناصر وفارس قعدوا جنب بعض..
واليسا قعدت تقريبا بحضن ناصر..اما مها بس كانت بالكرسي اللي جنب فارس..
ناصر بصوت واطي لفارس:بالله يالخبير وش يفكني من اللي جنبي..
فارس وعيونه على اللي يناظر بمها:صرفها قط عليها أي كلمه..دبر نفسك ماتعرف يعني..

ناصر وهو يهز راسه:لابالله ما اعرف تصدق..

يتبع

**ڪْليُ رقـِـِـِہَ** السبت أبريل 03, 2010 4:08 am

فارس وهو يضغط على اسنانه ويقرب من مها:اقوول ماودك تغيرين اللي لابسته..والا وش المقصد منه هذيك المره واحد بيرقمك والحين هذا مدري وش ناوي عليه..
مها معالم وجهها تتغير وبصوت واطي:هذيك المره كان يسألني عن رقم اخصائي التغذية اللي اروح له..وتكمل باستغراب:وبعدين وش فيها ملابسي؟؟
وبنفس الوقت كانت وحده من الموجودين تسأل بصوت مسموع:يعني هذا هو اخو مشعل فارس؟؟
حساف طيب ليش ماجا بشعوولتي صار له كم يوم ماسمعت صوته..اخاف صاير لها شي..
فارس تشده النبرة كأنه عرف صاحبتها..لكن ما اهتم لان اللي فيه بالنسبه له اهم من أي شيء..
فارس وهو ماسك اعصابه بشكل ملحوظ:اسمعيني زين..جينا ولبينا الدعوه لكن وانتي بهالشكل انا ماراح اظل..
وخصوصا الشعب اللي هنا ماخذين راحتهم معك بزيااده..
ويكمل وهو يناظرها بشكل غريب:ومالي خلق اوصخ يدي نفس هذيك المره..
ويقوم من الطاوله بعد مادفع الكرسي بقوه لورى..
وينادي ناصر اللي ماصدق:واخيرا ياشيخ..
ناصر وهو يناظر لاليسا:ايه نسينا لانقول لك كل عام وانتي بخير..
ويكمل بصوت واطي:وفرقاك عيد ياشيخه..
مها كانت مصدومه وماتحركت من مكانها وكان باين عليها انها مافهمت وش قصده من هذا كله..
وتجيها وحده وتقعد جنبها:اقوول ليش طلع بسرعه؟؟الا صحيح اخوه مشعل ماراح يجي والا ايش؟؟
مها تطالع فيها بنظرات استحقار وتضغط على شفايفها وتقوم بسرعه وتدخل لداخل..
الكل سكت ثواني استغربوا اللي سوته..
وبنفس الوقت هذا فارس يركب السياره ويسكر الباب وراه بقوه..
ناصر من غير مايناظر:قرف بجد قرف الحين هذا كله بالسعوديه..
والا البلوه اللي انبليت فيها..اشوا انك تكلمت وقلت انك بتطلع ورحمتني ع الاقل..
تدري وش فكرت فيه اني ادق ع الهيئه..هههههه..
فارس يلتفت له:مافيه شي يقهر الا اني عطيتها اكثر من قيمتها..!

ناصر :ايش؟؟
/
فاقد الشي ما يعطيه..
/
صقر وهو يعدل مراية السياره:ناوي عليك ياميساء..وفتحنا الموضوع مع الوالده..
ناقص بس نفتحه مع خوي الدرب..
بس مدري الحين احسه وقت غلط بما ان ابوها مسافر انتظر والا..
وويوقف السياره قدام بيت ابو حمد..
ويناظر في نفسه بالمرايه ويعدل شماغه ويبتسم..
نزل من السياره ودخل..
تنحنح ودخل المجلس..
لقى حمد متمدد ع الكنبه وحاط شماغه جنبه..
صقر:احم احم نحن هنا..
حم مارد عليه..
صقر بعد ماجلس:الحين تدق علي وتقول تخاويني وبعدها اجي والقاك نايم..
حمد بعد ثواني:هاه متى جيت بسم الله..
صقر:هع هع..سو نفسك ماشفتني بالله وش قصتك صاير تسرح كثير..
حمد من غير مايناظر:لابس عقب اللي سويته وادق وماترد حتى..
صقر باستغراب:انا؟؟ليش وش سويت؟؟
حمد بربكه:لا مو انت..ايه صحيح جاهز للخطبه اليوم..
صقر ماحب يضغط عليه:ايه يعني وشرايك شفني عندك بعد..الا متى نمشي الحين؟؟
حمد:لا مو الحين بس حبيت اعطيك خبر من بدري لان ابوي مأكد علي قبل مايسافر..
بحكم ان هذا مشعل شركتهم من اكبر الشركات اللي بالسوق..وانت عارف نكسب علاقات..وبصراحه اخاف انسى واتفشل مع الوالد..
صقر:اهآ..حمد وهو يناظر بجواله:ايه صحيح خطبة منـ..اقصد ميساء بعد كم يوم..
صقر يلتفت بسرعه:هاه؟؟
نهاية البارت الاول(الفصل الخامس)
قراءة ممتعه=)

**ڪْليُ رقـِـِـِہَ** السبت أبريل 03, 2010 4:09 am

وكذا انهت الروايه