روٍآيتي..فـاقد الشي ما يعطيه..ردودكم وتشجيعكم=)

فاقد الشي مايعطيه..!



روايتي تجسد معنى هذه الجمله..



اول روايه لي وهنآ اول تنزيل لهآ..



بقلمي انا:كـسّـرة قـلـمْ..!


اترككم مع احدآثهآ..




.
.




تمرر اصابعها على ريموت التلفزيون..تقلّب بالقنوات بضجر وملل..


فجأه! تسمع بأعلى صووت:منيييييييييييير..!!منييييييييير!!


ترد هي:وجعه وش تبين فضحتينا الجيران دروا باسمي وبعدين وش هذي منير؟!منيــره موب منير!ناقص الاسم هو عشان تحرّفينه..!


ميساء:المهم منير والا اللي هو وبعدين منير مختصر..و


تقاطعها منيره:ناديني منيره ابرك لك وبعدين تصرخين وكل هالصجه عشان تقولين منير مختصر؟؟


ميساء مبتسمه:لا لا لا وبعدين عطيتيني فرصه اتكلم وشسمه اسمعي كتبت خاطره..


ميساء كانت لابسه بيجامه بينك ناعمه وبنطلون شوي نازل عن الخصر


ورافعه شعرها الاسود الحريري لفوق بشكل مبهذل..


وكانت ملامحها انثويه وبريئه..


وكان جسمها حلو ونحيف بس مو حيل..


اما منيره فكانت لابسه جينز((سكني))..


وبلوزه بنفسجي غاامق عليها كلمات بالاسود اللامع..


وفاكه شعرها الكستنائي اللي يوصل لتحت كتوفها..


وتطالع بميساء ببرود بعيونها العسليه المتوسطه..


ومعالمها اللي معطتها ثقه بدون غرور..


كانت شوي مليانه اكثر من اختها بس مو سمنه ..لكن


جسمها كان له جماله الخاص..

منيره: ههههههه حمدلله والشكر نزار قباني قدامي وانا مدري طيب وش اسوي؟


ميساء:وش هالتحطيم ياختي امدحي ع الاقل والا اسمعيها والا..


يقاطعها حمد اللي داخل طربان ع الاخر وبنظاراته الشمسيه العريضه معطيته رجوله وخشونه على معالم وجهه وذقنه:السلاااااام عليكم يا صبايا..


ميساء ومنيره:وعليكم السلام


حمد باستهزاء:وش هاللجه والازعاج ما تتركون عادتكم لازم كل يوم هوااش


منيره بدون نفس:هذي اختك ميووس الدلخه كاتبه خاطره وشوي وتطير من الفرحه الله لا يبلانا


حمد وهو مبتسم:جد ميووسه تكتبين خواطر وحنا ما ندري؟


ميساء وهي طايره من الفرحه:ايه تسمعها؟؟




حمد وكانه تورط:هااه موب اللحين خليها بعد الغداء جوعاان بطني بيتقطع خبرك بعد الدواام وكذا..


ميساء وهي زعلانه:طيب طيب عائله ماتقدر المشاعر ابدا..! افف


حمد:لايكون زعلتي ترى بس..
.
.









يتبع

منيره تقاطعه:بلا كثرة حكي وامشوا امي تنادي من اليوم للغداء شكل ابوي جاء.
مشوا الكل للغداء وميساء قالت ماتبي وصعدت لغرفتها..
قعدوا حول الطاوله الام والابو ومنيره وحمد..
ومكان ميساء فاضي
ابو حمد:وين ميساء؟؟
منيره:ماتبي وصعدت لفوق ..
ام حمد:غرييبه توها كانت تقول متقطعه من الجوع..!
حمد:لا بس زعـ..
منيره وهي تطق رجلينه من تحت:يقول انها غيرت رايها..
ابو حمد:براحتها لا تغصبون دلوعتي اكلوا وش تنتظرون..
حمد وهو يناظر منيره مستغرب همس:ليش ماخليتيني اكمل؟؟
منيره من غير ماتناظره:بس كذا..
حمد وزاد استغرابه:بس كذا؟؟شلون ما فهمتك؟؟
منيره عصبت:اكل وفكنا لا يسمعك ابووي..!
ام حمد:عيال وش فيكم تتكلمون بصوت وااطي؟
منيره:ولا شي ماما شبعت الحمدلله..
وقامت منيره عن الطاوله..
وكملوا الباقين اكل وحمد مستغرب من تصرفها لحد الحين
------------------
ميساء فوق في غرفتها تطقطق باللاب توب طق باب غرفتها:نعم مين؟؟
منيره:انـــا ادخــل؟؟
/
فاقد الـــــشي مآ يعـــــطيه..
/
وفي نفس هالوقت في الظهيره فارس قاعد يتمشى
بسيارته السوداء ومشغل اغاني لراشد الفارس وطربان معها ودق جواله الـ(آي فون)..
بعد كم رنه سمعه..
ورد:هلاااا
المتصل بعصبيه:بـــلااا أي والله توك ترد؟؟
فارس بربكه:هلا يبه ما دريت انه انت وبعدين ماسمعت الجوال
ابو مشعل بعصبيه:اترك اعذار البزارين عنك وتعاال الشركه ضرووري سامع؟؟
فارس وبنبرة خوف:ان شاء الله يبه..
ابو مشعل: ايه ان شاء الله وتتاخر ..!
وسكّر بوجه فارس
فارس:اعووذ بالله تعكر ابو المزااج اللي كنت فيه وش هالاخلاااق..!
وحط الجوال بجيبه وسكر المسجل ورجع طريقه للشركه..

-----------------

يتبع

وفي الشركه كان مشعل اخو فارس ينتظره في مكتبه..
مشعل اكبر من فارس بخمس سنين عمره 28..
وفارس 23 ملامحهم كانت قريبه من بعض..
بس مشعل قريب للجديه..
طق باب المكتب مشعل:تــفــضل..
دخل الموظف ابراهيم وهو منزل راسه:استاذ فارس الوالد يقول..
قاطعه مشعل وهو مبتسم :انا مشعل فارس باقي ما جاء..
ابراهيم وهو رافع راسه:اهااا خلاص معليش استاذن انا..
مشعل:تفضل..بس ما قلت لي وش كان يبي منه الوالد؟؟
ابراهيم وهو طالع:لا طال عمرك هو قال اقول لاستاذ فارس شخصيا..
مشعل باستغراب:خلاص اجل..
طلع ابراهيم وسكر الباب ودق جوال مشعل:هلا والله..
فارس بدون نفس:اهليين ..ما قال لك الوالد وش يبي فيني؟؟
مشعل:هههه لا شكلك ما خذ تهزيئه
فارس بعصبيه:تتشمت انت ووجهك؟؟اخلص علي ماني فاضي..
مشعل بجديه:لا والله علمي علمك قبل شوي دخل ابراهيم..كان بيقول شي..
بس لما شافني قال خلاص حسبك موجود..
فارس:يعني ابوي يبيني انا وانت موجوود؟!
مشعل باستغراب:مدري محد قال لي حتى الموظفين..بس شكله يبيك انت ..
فارس:طيب وصلت ا نا يالله بااي..
مشعل:فمان الله..
/
فــــآقــد الشــي مآيعطيه
/
ميساء وهي تناظر باللاب توب: ادخلي..
منيره بعد ما دخلت وجلست ع الكنبه
اللي قدام السرير:ميووووس..
ميساء:هااه..
منيره: وش هااه قولي نعم!
ميساء بدون نفس:نعم نعم وش تبين..
منيره بتردد:قولي الخاطره..
ميساء رفعت راسها عن اللاب توب:جـــد؟
منيره باستهزاء: ول عليك على طول رفعتي راسك..
عاد ياريتها تسوى كل هالرجه..
ميساء:اعووذ بالله منك ما تكملين المعروف..
منيره:اخلصي وينها؟؟
ميساء وهي تأشر ع المكتب الابيض:هناااك..
منيره قامت:وين يا كثر الاوراق والخرابيش؟؟
ميساء:ورقه بيضاء لحالها باينه..
منيره رفعت ورقه وقعدت تقرأ وقالت بصدمه:هــــــذي؟؟؟!!!!

ميساء:......







يتبع

~~
فــاقــد الشــي ما يعـــطيــه
~~
وصلت سياره فخمه وكانت وراها سيارات الصحفيين..
والكاميرات بكل مكان وصفطت قدام الشركه..
طلع السايق بسررعه وفتح البــاب:تفضلي طال عمرك..
مدت رجلها بكل رقه برى السياره وطلعت منها بغرور..
والكاميرات ما فارقتها والصحفيين تجمهروا عليها..
لولا الحرس..كان خنقوها من كثرهم..مشت ووراها حرسها يفتحون الطريق..
لها هي بس..
وصلت سيارة فارس ومستغرب:وش هذا لا يكون غلطان وانا مدري!
طالع بالشركه واسمها..
ومن زحمة الصحفيين ما قدر يدخل..
دق جواله ورد بنرفزه:الوو..
مشعل:ويـــنك توك تقول وصلت؟؟
فارس:وصلت من زمان بس في زحمه موطبيعيه شالسالفه؟؟..
مشعل:اهااا محد قال لك من قبل؟؟
~~
فـــاقــد الشـــي ما يعطيــه
~~
يطالع في الشاشه ويبتسم..
وابوه يناقش عن الاسهم في التلفوون
ابوحمد:هاااااااه وش تقوول؟؟!!
المتصل:........
ابو حمد:لحظه لحظه
ويلتفت على حمد وهو معصب:حــمــد..!
حمد بعد فتره حس على نفسه: سمّ يبه
ابو حمد: توك ترد انت ووجهك ..وبعدين انا ما قلت لك امس رح للشركه الـ...؟؟؟؟!!!
حمد بربكه:هااه لا والله يبه ما رحت..
ابو حمد ووجهه حمّر من العصبيه:طيــب طيب حسابك بعدين..وكمل مكاملته..
حمد رجع للاب توب وهو ضايق خلقه ومنحرج من ابوه..
سكره ع الطاير وقفل محادثته..
واخذ مفتاح سيارته وطلع..
وهو طالع للسياره كان يسمع صوت ضحك ولعب..
من البيت اللي جنبهم..
:هههههه ما تقدرين تلحقيني
:هين يالدبه هين هلكتيني ولّ عليك!
:خلك.. صيري رشيقه مثلي بسم الله علي هههههه
:آآآآآه رجلي التوت آآآآآآآه يممه يـــبــه!
:هاه وين ؟؟جد؟؟شلون طحتي؟؟
:مسكتك وااااااااك صدقتي هههههههههه
:غشششش!!غششش!!احتج غشااااااااااااشه!!
صوت غريب ورجالي:بناااات فضحتونا بالناس تراكم كبار على هالالعاب!ادخلوا بسرعه..
وانخفضت اصواتهم تدريجيا الين اختفت..حمد كان مستغرب..
لانه ما كان يشوف بالعاده من هالبيت الى ولد بالعشرينات..
يطلع منه ونادرا بعد..
وماكد سمع امه تتكلم عنهم ابدا!
ركب سيارته واصواتهم ترن في اذنه..

وابتسم وكمل مشواره..

البارت الثاني للـ(الفصل الاول)
/
فاقد الشي ما يعطيــه..!
/
ميساء باستغراب: وش فيك؟؟
منيره منصدمه:هـ..ــذا عــ..ـقد شركه؟؟؟
ميساء وبسرعه قامت اخذت الاوراق:هـ..ـاه لا بس انتي خربطتي هاك الخاطره هذي..
وبربكه واضحه عليها حطت الاوراق بالدرج وقفلته..وطالعت بمنيره اللي مو مستوعبه ولا شي..!
منيره :شالسالفه بتشتغلين والا ايش؟؟
ميساء بربكه:أي شغل هذا شسمه...
منيره بجديه:ميســــاء..على ايش خايفه؟؟
ميساء ووجهها قلب الوان:منيره رجاء مالي خلق اتكلم بهالموضوع ..اقرأي الخاطره..والا بلاها من الاساس..
منيره بعصبيه:ميساء ليش اللف والدوران هذا؟؟؟؟!!ايش مخبّيه بالله؟؟
ميساء:منيره وبعدين معك؟؟قلت لك ما ابي اتكلم بهالموضوع..
منيره قربت منها ومسكت معصمها بقوه:وش مخبيه؟؟سالتك بتشتغلين والا لا جاوبيني؟؟
ميساء وهي تحاول تبعد يد اختها اللي ضاغطه عليها بقوه:اولا شيلي يدك عورتيني..ثانيا مالك شغل..!
منيره بعد ما تركت يد اختها:طيب طيب يا ميساء كذا يعني تخبين علي..!مصيره بينكشف لي..بس نفسي اعرف على ايش خايفه..!
وطلعت معصبه وسكرت الباب بقوه..
العلاقه بين منيره وميساء كانت غالبا متوتره وزاد الجفا بينهم..
بعد ما تزوجت اختهم دلال صار لها بحدود السنه..
كانت هي دايما تلطف الجو بينهم لكن الحين مو موجوده..
بحكم ان الفرق بين منيره وميساء سنتين..
ومنيره متخرجه وميساء اخر سنه لها..
فكان في اشياء واجد تتضارب آرآءهم فيها..
واحيانا تسطوطنهم الغيره ..
ميساء قعدت ع السرير بعصبيه:اوووف وش هالورطه..
الحين هذي ما راح تتركني لو ايش..
انا وش اللي خلاني اروح واكلمها عن الخاطره..!
//
فــاقد الشي ما يعطيه..!
//
فارس:وصلت من زمان بس في زحمه موطبيعيه شالسالفه؟؟
مشعل:اهاا محد قال لك من قبل؟؟
فارس وهو يحاول يدخل من وسط الناس:لا.. خوفتني يارجال وش؟؟
مشعل وهو مبتسم:سلامتك..بس هذي طال عمرك شريكه جديده معنا..
فارس بعد ما دخل الشركه:نعم..؟؟شريك والا شريكه؟؟
مشعل:اخلص وتعال تراك تاخرت والوالد مقوم الدنيا ومقعدها عشان حضرتك ..
فارس:دخلت..بس ما جاوبتني.؟؟
مشعل:رح للوالد ويصير خير ان شاء الله.
فارس:طيب بس ماني تاركك لين تقول لي انها شريكه هههههه
مشعل:ههههه ما تترك طبعك يالله فمان الله..
فارس:باااي..
كمل طريقه لمكتب ابوه ومر من عند السكرتير:ابو مشعل موجود؟؟
السكرتير:ايه طال عمرك ويبيك ضروري تفضل..
دخل فارس المكتب الواسع حيل ومليان بانواع التحف الغاليه ومن غير ما ينتبه للموجودين:السلام عليكم
ابو مشعل بصوته الجهوري الواثق :وعليكم السلام والرحمه تفضل..
صوت ناعم ورقيق اول مره يسمعه فارس:وعليكم السلام..
التفت فارس لا شعوري لمصدر الصوت..
وكانت..
يتبع

وكانت..


//


فــاقد الشي ما يعطيه


//


قاعد في الكوفي شوب يشرب من معشوقته القهوه التركيه..


ويطالع في الرسايل اللي عنده..


طالع في الساعه كانت 4:30


صقر:سلااااام ياخوي الدرب


حمد مبتسم بشوية ضيقه:وعليكم السلام..تفضل اجلس..


صقر:هع هع عاد كاني ابستاذن منك يعني..وش فيك متضايق وقالب..


حساس هالايام..؟؟


حمد تنهد:لابس الوالد موصّيني بشي وانا نسيته..


صقر:حمدلله والشكر..


حمد وهو يطالع بصقر مستغرب:وش فيك؟؟


صقر:اتحمد ربي بعد وش فيني..


حمد:أي علي انا هالحركات..


صقر: الحين داق علي تعال..ومدري ايش متضايق وهذي هي سالفتك؟؟


حمد:ليه وش كنت متوقع؟؟


صقر:لا بس توقعتك تقول مثلا ميساء في المستشفى.. ماتشوفيني جيت طاير؟؟


حمد بعصبيه:صقر مو وقت حركاتك..


صقر وهو يضحك بصوت عالي:هههههه يا حبني لك أي والله..تراي امزح لا تاخذها جد..بس حبيت اغير جو الضيقه اللي ماله داعي..


حمد:يووه نسيت اقول لك وش تطلب؟؟


صقر:صباح الخير كان خليتها بكره..


حمد:هع هع اجل موب لازم..


صقر:لااااا يابعدي..مو على كيفك ..


وكملوا احاديثهم ..


بين ضحك وجد وفضفضه هموم ما تخلص..


/


فــاقد الشي ما يعطيه..!


/


منيره وهي نازله بسرعه ومعصبه بسبب ميساء..




سمعت امها تكلم تلفون:ياهلا والله فيكم هذي الساعه المباركه يا قلبي..


المتصل:.......


ام حمد:حياكم ع الموعد ان شاء الله..ومايصير الا اللي يرضيكم..


المتصل:........




ام حمد:يالله فمان الكريم..


دخلت منيره وهي متنرفزه:يــمــه..




ام حمد وهي تطالع في منيره مبتسمه:يا هلا..




منيره:من اللي كنتي تكلمينها؟؟




وقبل ما تتكلم ام حمد قاطعتها منيره:والا اقول لك خلاص مو لازم..


دقيتي على دلول والا ما رجعوا من عند اهله؟؟







يتبع

ام حمد:لا والله يا بنتي ما دقيت..بس اخر مره قالت لي ماراح يرجعون..
الا الخميس الجاي..
منيره بضيقه:اووف..وحشتني حيل ..
قامت منيره وكانت ام حمد بتقول شي بس منيره طلعت..
للحديقه..وقعدت تمشى عند الزرع..
والهواء يطير شعرها الكستنائي..
سمعت من البيت اللي جنبهم صوت ضحك رجال..
ووقفت عند الجدار تسمعه..
بس الصوت صار بعيد ..
ضحكت على نفسها وعلى تصرفها الغبي..
وقررت تتمشى مع صديقاتها في السوق راحت جابت..شيلتها من فوق وطلعت للسايق..
وهي طالعه من البيت بملابسها بس حاطه الشيله بدون عنايه..
وحتى مي متغطيه..دقت تلفون على هيا وحده من الشله..
واللي باقيه لها بعد ما نص الشله تزوجوا واللي سافروا واللي نقلوا..
منيره:اووف وش فيها ما ترد هذي بعد..
انقطع التلفون ولا ردت هيا عليها تنرفزت منيره اكثر..
وقعدت تنادي في السايق:سليــــم..سليـــــم
مارد عليها هو بعد..
لفت بسرعه وصدمت بشخص..؟؟
يتبع

/
فـــاقد الشي ما يعطيــه
/
التفت فارس لا شعوري لمصدر الصوت..
وكانت..
هي نفسها اللي دخلت قبل شوي..
وسببت زحمه قدام الشركه..
كانت متحجبه بس قذلتها((القصه))
طالعه وعيونها كانت سوداء ووسيعه..
قاعده ع الكرسي اللي قدام..ابو مشعل وبيدها ملف..
فارس قعد قدامها..
منزل راسه..
ابو مشعل:كان نمت احسن توك تشرف..
فارس منحرج من كلامه قدامها:احم احم..لا بس كان في زحمه اخرتني شوي..
ابو مشعل:هالكلام ما يمشي علي سامع..مره ثانيه لما اناديك تجي..ما انتظرك ..
فارس متفشل:طيب يبه..بعدين قل هالكلام..
مها:طيب يا ابو مشعل..
ما قلت لي كم عدد المساهمين..؟؟
فارس مستغرب من جديتها في الشغل عكس..
منظرها ومستغرب زياده من انها حرمه وتشتغل..
بهالمجال وسعوديه بعد..
ومع من؟؟مع ابوه..!
اللي هوامير السوق يشحذونه عشان يشتغلون معه..
او حتى يشاركونه..
وظل الحديث بين مها وابو مشعل مستمر..
وفارس قاعد معهم مثل الاطرش في الزفه..
ماكان له صله بالموضوع ومستغرب..
ليه ابوه ناداه وسوى كل هالرجه..
وبالاخير قعده كذا قدامهم..
لاشغله ولا مشغله..
بعد نص ساعه من النقاشات والتفاوضات على الشروط..
اللي كانت هي حاطه اغلبها..
وفارس طفشان والنعاس غلبه..
ابو مشعل:طيب يا انسه مها..
يتبع

بكذا يكون العقد واضح عليك ومافيه أي اشكاليات..


ومن بكره تبدا الشراكه فعليا..


مها بعد ما قامت وصافحته:ان شاء الله..كل شي يكون جاهز بموعده..


ونكون قد هالثقه والمسؤوليه..




ابو مشعل:فارس قم وصل الانسه مها..


فارس قام بربكه لانه كان شبه نايم:هااه..


ابو مشعل ومعالم وجهه تغيرت:فارس وصل الانسه مها..


مها ابتسمت بهدوء على شكل فارس وابوه اللي معصب..


فارس متفشل ومنزل راسه:ان شاء الله يبه..تفضلي..


رجع ابو مشعل لمكتبه وكمل شغله واتصالاته..


كانت الساعه تقريبا 5:00 المغرب..




طلع فارس من المكتب وقدامه مها..


فارس على انه صار له مده يشتغل مع ابوه..


لكن ما عمره شاف حريم سعوديات..مثلها..


كان مرتبك ومو عارف شلون يتصرف..


معها..وهي بنظره سعوديه..يعني غير..


ركبوا المصعد..


وكان فاضي وزادت ربكة فارس..


مها بثقه:انت فارس صح؟؟


فارس بنفسه اجل جدي يعني ما كانك سمعتي ابوي قبل شوي:ايه طال عمرك..


مها مبتسمه بهدوء:ابوك ينادونه ابو مشعل؟؟


فارس بربكه:ايه لان اخوي اللي اكبر مني مشعل..


مها:اهاا فيه اكبر منك ..غريبه..


فارس من غير ما يناظرها:ههه وش الغريبه باين علي شايب يعني..


مها عجبتها ضحكته وعفويته عكس رسمية ابوه:لا محد قال كذا..بس ابوك ماتكلم لي الا عنك..على بالي انت اكبر واحد..


طلعوا من المصعد..


وفارس حس على نفسه انه نكت وباين انها تضايقت..


وارتبك اكثر ما هو مرتبك..مع انه يحتك بحريم واجد..


لكن مها مو عارف يتعامل معها..


ضحك..والا جد..والا رسميه؟؟


مو من عادته يتعامل مع سعوديات بالاخص..


ومستغرب من ابوه..


مناديه ومعصب عليه لانه تاخر..


وبالاخير يوصلها؟؟!




لا ومتكلم لها عنه بعد..







يتبع

فـــاقد الشي ما يعطيه..


/




حمد:طيب يالسنافي..غثيناك معنا وعورنا راسك..


صقر بعد ما ارتشف الكابتشينو:شدعواا..بلا دلع ولا تصرفها وادفع ...ههههههه


حمد:هههههه..بدفع شوي شوي علينا..


حط الحساب وقام هو وصقر برى الكوفي شوب..


وكل واحد ركب سيارته ومشى في دربه..


دق جوال حمد:هلا يبه..


ابو حمد بدون نفس:اهلين..وينك الحين؟؟


حمد: طالع من كوفي شوب وراجع ان شاء الله للبيت..


ابو حمد:لا لا ترجع للبيت مر علي تلقاني ببيت عمك سعود..


حمد:ان شاء الله مسافة الطريق واكون عندك..


سكر جواله..وغير وجهته لبيت عمه..


مر من عند شركه..


وشاف زحمه مو طبيعيه وطابور سيارات وما قدر يمر..


حمد:ياااليل وش هالبلشه الحين..بتاخر على ابوي وبيزعل..


وهو اصلا زعلان علي..


--------


وفي هذي الاثناء وبنفس الشركه اللي مر من عندها حمد..


فارس بعد ما وصل عند بوابة الشركه الضخمه والمزحومه..بالصحفيين اللي يحاولون..يدخلون ويكلمونها باي طريقه هذا غير الكاميرات طبعا..


وقف فارس:تفضلي طال عمرك..يآ..انسه والا مدام مها؟؟


مها من غير ما تناظره:انسه لو سمحت..


فارس بصوت واطي:ياشينهم السعوديات ..


مها بعد مارفعت راسها:ايش قلت؟؟


فارس متفشل وعلى باله ما سمعته:هااه لا ولا شي طال عمرك..


مها بنفس نبرته بصوت واطي:ياشينهم السعودين..


ومشت وتركته بعد ما ابتسمت ابتسامه مالها معنى ورفعت حاجبها بثقه..


وراحت مع حرسها للسياره بعد ما فتحوا لها طريق من بين الصحافه اللي يحاولون..


يكلمونها بس هي ما عطتهم مجال ابدا..


فارس ظل دقايق متنح ومتفشل وقال في نفسه: اكيد سمعتني..!والا شمعنى اللي قالته..


لا وتقلد طريقتي..ووش معنى ابتسامتها هذيك..؟؟


ياويل حالي قسم اني اختبصت..


مشى وهو باله مشغول حيل فيها مو عارف وش كان قصدها..


ولا عارف بعد ليش قلدته وهل هي زعلت والا تعانده والا ايش..


مشى وصدم في احد الموظفين..






يتبع

فارس:هيه انت ما تشوف قدامك..!


الموظف بخوف:لا طال عمرك بس انت كنت..


قاطعه فارس:وترد بعد حسابك معي انت وهالوجه..تنكرون النعمه..


عطني اسمك اشووف..!


الموظف بقلة حيله واستغراب من عصبيته:يوسف الصالح..


فارس بعد ما كتبه في الجوال:طيب..


ومشى لمكتب ابوه..


------


حمد:افف واخيرا خلصت هالزحمه..!


حشا شكل وزير والا امير اللي جايهم..على هالصحافه والكاميرات..


طالع في ساعته ومرت نص ساعه تقريبا..وهو واقف..


ودق جواله:هلا


ابو حمد بعصبيه:وينك؟؟صار لي نص ساعه وانا انتظرك..؟؟


حمد:لا بس كان في...


ابو حمد قاطعه:ما جبت رجال انا..!الواحد ما يعتمد عليك بولا شي..


خلاص لا تجي ولد عمك جابني..


وسكر بوجهه..


حمد ضاق صدره اكثر ما هوضايق وحس ان كلام..


ابوه له خناجر تطعنه في صدره..


/


فاقد الشي ما يعطيه..!


/


ميساء متورطه ومي عارفه شتسوي بعد ما درت منيره بالسالفه..


مسكت جوالها وفتحت على قائمة الاسماء بتردد..


وربكه..


سكرته ورجعت فتحته مره ثانيه وظلت على هذي الحاله خمس دقايق تقريبا!


من الربكه والتردد..


اخذت نفس عميق واستجمعت شجاعتها كانها مقدمه على حرب..!


فتحت على القائمه جت عند اسم (ن)


ودقت بعد ثلاث رنات..


طووط..طووط..طووط


رد الصوت بلهفه:هلا والله..


ميساء:.......


-----


نهاية الفصل الاول..=)





قراءه ممتعه للجميع

البارت الاول(الفصل الثاني)
/
فـاقد الشي ما يعطيه..
/
وقعدت تنادي فالسايق:سليــــم..سليـــــم..
مارد عليها هو بعد..
ولفت بسرعه وصدمت بشخص؟؟
منيره:هيـ....
:اوب معليه حصل خير..
منيره وخدودها حمرت من الفشله والورطه نزلت راسها وحطت الشيله:احم احم..
وبصوت وااطي وخجول منيره:لو سمحت شوي ابعد..
الشخص كان واقف بطريقها فما كانت قادره تمر او حتى ترجع..
وظل يطالع فيها بنظرات ما قدرت تفسرها..وكل اللي وصلت له انه يتأملها..!
بطريقه ما ارتاحت لها..
بعد ما حس على نفسه ونزل راسه بسرعه وبعد عن طريقها:السمووحه..تفضلي..
وكمل مشواره لسيارته اللي كانت عند البيت اللي جنبهم..
وهي ما صدقت وراحت بسرعه لداخل البيت وسكرت الباب وحطت يدها على قلبها واخذت نفس:آآه..يمه وش هالموقف اللي ما انحسد عليه..اف..
انا الغلطانه اللي طالعه كذا..كان دقيت على هالسايق الغثه..
انفتح الباب من وراها:تفضل ..حياك..
لفت بسرعه ولقت شاب دخل وهي كانها عرفت ملامحه مو غريبه وكان وراه ابوها..
اللي خزها وعطاها نظره.. الشاب هذا طالع وبعدها نزل راسها..
منيره تمنت الارض تنشق وتبلعها موقفين ورى بعض..
ماحست بنفسها الا وهي داخل البيت..
مسرعه تبعد عن نظرات الشاب اللي عرفت وميزت..
انه ولد عمها سعود..
وتنقذ نفسها من أي كلمه او ردة فعل من ابوها..
شافتها ام حمد اللي كانت نازله من فوق..
استغربت من حالة منيره اللي حاطه الشيله..
بالبيت ..وتلهث وباين عليها الخوف..
ام حمد باهتمام وحنيّه:منور يا قلبي وش فيك؟؟
منيره تخفي ربكتها وتاخذ انفاسها:لا سلامتك مافيني شي..
ام حمد باصرار:شلون مافيك شي؟وانتي تلهثين؟؟
سمعوا صوت ضحك رجال من المجلس الداخلي..
ام حمد:يووه هذا شكله ولد عمك جا..
راحت بسرعه للمطبخ عشان تجهز القهوه..
منيره ماصدقت ان امها تركتها..
وراحت بخطوات كبيره لغرفتها مرت من عند..
غرفة ميساء..
ووقفت..
جت تبي تطق الباب..
/
فاقد الشي ما يعطيه
/
حمد وصل للبيت وصدره ضايق وموعارف شلون يفسر..
لابوه كل هالاخطاء..
وهو متاكد ان ابوه حتى ماراح يعطيه مجال يدافع عن موقفه..
وقف سيارته وطلع منها..

وسمع تنهيدات شخص يبكي من قلب..!






يتبع

من نفس البيت اللي سمع منه هذيك المره الضحك..
قرب لا ارادي للمصدر وعقد حواجبه..
فجأه..
انفتح الباب بسرعه وبقوه..
وطلع منه شاب معصب وملامح وجهه مشدوده..
حمد انصدم وعشان يصرفها طلع الجوال وقعد يطقطق..
فيه وكانه يتمشى..
الشاب طالع في حمد فتره وبعدها..
قط له كيس زباله في زبالتهم..
ورجع دخل البيت ..
حمد ظل مو مستوعب الموقف فتره..
حمد:البيوت اسرار..!
ولف وجهه لبيتهم وانتبه بسيارة غريبه..
تشبه سيارة ولد عمه..
وتذكر ان ولد عمه وصل ابوه للبيت..
دخل عندهم..
حمد بابتسامه هاديه:السلام عليكم..
نايف:وعليكم السلام والرحمة..
وقام حضن ولد عمه..
ابو حمد بدون اهتمام:وعليكم السلام..
قعد حمد معهم واخذته السواليف مع ولد عمه..
وبين فترة وفتره يلقي نظره على ابوه..
اللي باين انه متضايق..
/
فـاقد الشي ما يعطيه
/
فارس بصدمه:اتزوجها..!!
ابو مشعل بثقه وهدوء وهو يناظر باللاب توب:ايه وش فيها..
فارس بعصبيه: وش اللي وش فيها يبه؟؟الحين عرفت ليش مناديني وتهاوش وكل ذا عشان تقول لي اتزوجها؟!
ابو مشعل بجديه:وانا قلت شي غلط؟
فارس:اولا زواج الحين انا شايل من راسي..يعني انا اصغر من مشعل..
رح قل له مو انا..!
ثانيا وان فكرت ما راح اتزوج مثلها..!
ابو مشعل:فارس عطيتك وجه اكثر من اللازم..
مشعل جدي في شغله وتعامله وبعدين اخوك..بيتزوج بنت خالك..
من قال لك اني بتركه..ثانيا ايه انا مناديك عشان تشوفها بنفسك..هذي بتصير عضدك..
بالتجاره..وتفهم عليك وعلى شغلك والا انت ناسي..بلاويك قبل واللي..
لعبت عليهم وارغمتنا نزوجك عشان نستر على بنات خلق الله.!
وحتى ياحبيبي وان بغيت تتزوج..ابشرك محد راح يرضى يزوجك..
من الكباريه كلهم يعرفون ماضيك..
فارس وهو ضاغط على يد الكرسي:كفايه..!
ابو مشعل بابتسامه يكمل:اما مها عايشه تقريبا طول عمرها بكندا..
يعني ان عرضت عليها ماراح تنبش بماضيك..
وترى عمرك 23 لمتى بتنتظر يعني؟؟
فارس يضغط اكثر:ومشعل اكبر مني ليش ماتشوف الا انا..!
ابو مشعل وتغيرت ملامح وجهه:انت باي لغه تفهم؟؟بتتزوجها رضيت والا مارضيت..
وتعرف عليها قد ما تقدر..وبتحبها..غير كذا ما عندي اتركني اخلص شغلي بس..
فارس بعصبيه يقوم من الكرسي وطلع برى المكتب..
وبرى الشركه بكبرها..
عارف ابوه مهما اقنعه وقال له اللي يقول ..
بيظل متمسك برايه..
راح للقصر..
وتوجه لغرفته على طول..

ارتمى بثقله كله ع السرير..






يتبع

وتمنى ان اللي سمعه كله حلم..!كابوس..!


أي شي بس ما يكون حقيقه..


يعرف ابوه قاسي يجبرهم على اشياء واجد من غير


ما ياخذ رايهم فيها..


بس يزوجه غصب.؟؟


ومن مها..!


واخذته الافكار وسيطرت على راسه مها..


استوطنت على كل شبر في ذاكرته..


الين ما انهكته وغط في نوووم عميق..!


/


فــاقد الشي ما يعطيه


/


وكل هالاحداث كانت تصير وكلن يسري على همه..


وكل شخص يومه كان ضجيج..


ازدحام..


ووسط هالكومه كلها ميساء..!




الصوت بلهفه:هلا والله..


ميساء بلعت ريقها:......


:آمري تدللي؟؟فيه شي تبين تستفسرين عنه؟؟


ميساء تحاول تحرك شفاتها:......


:طيب خليني اسمع صوتك؟؟ا ا ا قصد يعني تكلمي..؟


ميساء:..أ...


الصوت بلهفه:هلا..ايش قلتي؟؟


ميساء سكرت الجوال بسرعه..


ودفنت راسها بالمخده وبكت..


بكت..


بكت..


من قلب..حست الدنيا تضيق فيها لحالها وما حولها احد..!


اختها اللي كانت تفضفض لها وراحت في حال سبيلها..


وبقت بنظرها وحيده..

بين كومة مشاعرها ..



دقت عليه تبي تستنجد فيه..تبي تعلمه انها تورطت بالعقد..


بس ما قدرت فيه شي ردها ..رغم ان هالشخص ما بدر منه سيء..!


في الغرفه هي وآهآت وزفرات وبقايا ذكريات..


يقطع هذا كله..


صوت الباب..طق طق..


ميساء ترفع راسها بخوف وتمسح دموعها..


اللي غرقتها..


ميساء:تفضل..


الباب ينفتح بتردد ..وميساء مبعده راسها..عشان وجهها الاحمر..


من الدموع..


منيره طالعت في اختها اللي صاده عنها..


وتحسفت انها دخلت..


نزلت راسها وجت تبي تقول شي..


قاطعتها الخدامه اللي تناديهم للعشاء..


منيره:ينادونك انزلي..


وطلعت من الغرفه ودخلت غرفتها..


جلست ع السرير وتندمت انها فكرت تروح عند ميساء..


وقالت:اكيد زعلانه عشان كذا صدت عني..


بس لحظه على ايش تزعل..ووش اللي مخبيته..


آه ياميساء..






يتبع

انتي بعيده عني حيل بعيده..
مهما حاولت ماراح اقدر اجيك..
اتمنى ان اللي شفته يكون غلط..
اتمنى انه مو عقد..
اتمنى واتمنى ..
حطت راسها بالمخده وفكرها كله كان عن ميساء..
ووش اللي مخبيته..
كانت بتجي باللين وتسالها لكن حركة ميساء..
وصدها عنها خلاها تغير رايها..
رغم ان ميساء ماصدت..!
لكن اخفت دموعها..
بس محد يدري عن النيات..!
ومنيره عارفه ان ابوها اكره ماعنده زعل دلوعته ميساء آخر العنقود..
ووصية جدها له قبل مايموت كانت انتبه لميساء..!
محد كان يعرف سبب معزة جدهم لميساء..
وحنانه عليها..لدرجة ان ابوهم صار يحبها بزياده عشان جدهم..
لما مات ميساء كانت بالثانويه صار لها صدمه..
كبيره حيل واهتزت وهي كانت اكثر من مرحه..
وصارت غريبه والاغرب انها مابكت لكن انصدمت..
ومعالم وجهها كانت كلها حزن في حزن..
وماتركت هالحاله الا قريب لما دخلت الجامعه..
لكن مقارنه بايام قبل فهي تظل مي مثل ميساء قبل وفاته..
غفت منيره من كثر التفكير..
....
في الدور اللي تحت مجتمعين حول الطاوله ع العشاء..
كلهم ما عدا منيره..
اللي قالت لهم الخدامه انها نايمه..
حمد ياكل بدون نفس ويطالع في ابوه..
بين كل فتره وفتره وفي داخله حسره..
وحاس ان ابوه متضايق..
وحمد من النوع اللي ما يحب احد يزعل منه..
وان كان هذا الشخص غلطان !
اما ام حمد تاكل وشاغلتها الاحاديث..
عن فلانه وعلانه,,
ولما سكت الجميع..
او بالاصح ام حمد..
ورجعت قالت مره ثانيه مبتسمه:ايه اليوم جاني اتصال..
جايينا خطّاب يا ابو حمد..
الكل وقف عن الاكل..
ورفع راسه لام حمد..ابو حمد:من هم؟؟
ام حمد:عيال الجسّار
ابو حمد:والنعم..
ام حمد:حاطين عينهم على منيره..

ميساء شرقت بكوب العصير اللي كانت تشربه..
ابو حمد بخوف:بسم الله عليك..اشربي ماي بسرعه..
شربت واخذت نفس..
منيره بتروح بتصير وحيده بجد..!
مع ان منيره وجودها ماياثر فيها..

لكن اختها..اختها..





يتبع

حست بشي يضيق بصدرها..
ماحست بوجودها لكن بتحس بفراقها مثل دلال..
ام حمد:لا تشربين مستعجله يا بنتي..
حمد ابتسم:جد منوور بتنخطب..هههه عشان كذا ما نزلت علينا..
ام حمد:ههه لا ما قلت لها..
ابو حمد من غير ما يناظر:متى بيجون؟؟
ام حمد:قلت لهم الخميس الجاي ان شاء الله..
ميساء كانت ضايقه وتغصب نفسها ع الاكل..
وبعد الخبر اللي يفترض انه يفرحها..
لكن هي بتفقد نعمه ما استغلتها..
قامت من الطاوله..
ميساء:الحمدلله شبعت..
ابو حمد:وين؟؟ما اكلتي زين؟؟
ام حمد:لاتغصبها تلقاها بتروح تقوم منور..
ميساء مبتسمه بضيقه:لا خلو العـ..روس تنام..
انا نعسانه يالله تصبحون على خير..
الكل:وانتي من اهله..
حمد حس بترددها وضيقتها بس متعود..
ع الجفا بينهم..
كملوا اكلهم..
وميساء راحت تنام..
/
فـاقد الشي ما يعطيه..
/
في صباح اليوم اللي بعده..
مشعل يرتشف الشاي ع الطاوله الفخمه في وسط
القصر ويقرا الجريده..ومستغرب محد قام لا ابوه ولا حتى فارس..
وبالعاده ابوه يكون اول واحد ع الطاوله..
ابو مشعل دخل:السلام عليكم..
مشعل نزل الجريده وابتسم بهدوء:وعليكم السلام..
ابو مشعل وهو ينتظر الخدامه تصب الشاي:وين اخوك؟؟
مشعل:شكله ما قام لين الحين..
ابو مشعل بدون اهتمام:هالولد عمره ما يكبر..
فارس دخل على هالكلمه:السلام عليكم..
مشعل :وعليكم السلام..
ابو مشعل ولا حتى رد ظل يطالع في الجريده..
فارس قعد بضيق وبدون نفس جت الخدامه بتصب له الشاي..
:لا ما ابي..
الجلسه كانت هاديه ولاجديد كلن سارح بتفكيره وعالمه..
وكل واحد عايش لحاله..
كانت تقريبا هذي هي حالهم من بعد ما توفت امهم..
اذا اجتمعت العائله وهذا نادرا..
الجو بينهم رسمي..!
خصوصا ابو مشعل وفارس علاقتهم متوتره..
لان ابو مشعل شخصية فارس ومرحه ما تعجبه..
يبيه يطلع مثله جدي في كل الاوقات..صخر مايحس..!

او على الاقل مثل مشعل..!






يتبع

فارس كان طالع على امه شخصيه تتشكل على حسب الظروف..
وكانت امه ما تضغط عليه ولا تنكد عليه مثله ابوه الحين..
لان هذا طبعها ..لدرجة ان احيانا ابو مشعل اذا عصب عليه..
كان يقول له تربية امك حرمه..!!
ام مشعل ما جابت غير مشعل وفارس وتوفت وهي بالثلاثين..
وابو مشعل ما تزوج بعدها..
لانه كان شغله الشاغل عمله..شركته..تجارته..!
وماكان يشوف ام مشعل الا نادرا..
يعني ما تغير في حياته شي تقريبا..
ومن بعد وفاتها فارس حس نفسه وحيد..
الانسان اللي كان يسانده في هالدنيا راح وتركه..
علاقته مع اخوه مشعل ما فيها شي بالعكس علاقة اخوه متينه..
لكن مشعل يختلف تماما عن طبع فارس..
متربي على يدين ابوه وماخذ من جديته ورسميته في التعامل مع الجميع..
لكن شي واحد ما اخذه من ابوه ياللي هو القسوه..!
وفارس الضد..ماخذ مرح امه وحنانها وعيش حياته بالطول والعرض..
لكن اخذ من ابوه القسوه والانانيه وحب التملك..!
عشان كذا احاديثهم ما تتعدى الحدود ..
ابو مشعل بعد ما قام من الطاوله واخذ شنطة العمل:انا طالع الحقني يامشعل ولا تتاخر..
مشعل:ان شاء الله..
فارس سرحان وباله مو معهم ابدا..
باقي تحت تاثير مها..!وفكرة انه يتزوجها غصب عنه..
وظل في عالم افكاره يحاول يمكن يلقى شي يطلعه..
وقطع سلسلة افكاره صوت ابوه الواثق:فارس ترى اليوم في اجتماع..
مع الانسه مها في شركتها..راح اذكرك وتروح معي..
وطلع ابو مشعل ولحقه مشعل..
وفارس ظل مصدوم فتره..
ابتسم باستهزاء:اجرب حظي..
وكمل اكله ..
/
فاقد الشي ما يعطيه..
/
ابو حمد وهو يقوم من طاولة الفطور:يالله فمان الله..
ام حمد:مع السلامه..
حمد:يالله يمه تامريني على شي..
ام حمد:لا سلامتك..
ميساء وهي نازله مستعجله من الدرج:يالله تاخرت حيل..
مسكينه البنت زهقت الحين..
ام حمد: من هي؟؟
ميساء:هذي بنت جيراننا اللي قلت لك عنها..
طالبه منها شي ومواعدتها قبل ربع ساعه وتاخرت..
ام حمد: أيه هذولا اللي جنبنا..
.....
حمد فتح الباب ..
:بسم الله..
حمد باستغراب رفع راسه:مــ...؟
شاف قدامه بنت متنقبه وبيدها ملف..
البنت انحرجت ونزلت راسها..
هي كانت بتدق الجرس الا حمد يفتحه..
حمد قلبه دق بسرعه..
ونبضاته تلخبطت..
حس بشي غريب وهالصوت سمعه قبل كذا بس ما يدري وين..
البنت بخجل:لـ..ـو سمحت؟؟
..
نهآية البارت الاول(الفصل الثاني)
قراءه ممتعه=)

البارت الثاني(الفصل الثاني)
حس بشي غريب هالصوت سمعه قبل كذا بس ما يدري وين..
البنت بخجل:لـ..ـو سمحت؟؟
حمد بلهفه ودقات قلبه تزيد:نعــم..
ميساء جت مسرعه:هلا هنووف..
وسحبت يد هنوف ومرت بجنب حمد بالضبط..
ودخلت لداخل..
حمد اخذ نفس عميق وتلخبط كيانه كله..
ظل متنح ..يبي يفسر شي من اللي صار الحين..
وكل اللي طلع فيه انه نسى نفسه بوقفته كذا وتامله في البنت..
هنوف..هنوف..هنوف..
اسمها يرن في اذنه ويداعب سمعه..
لقط اسمها وحفظه..
ما يدري ليش؟؟او حتى هي من بالنسبه له؟؟
ليش تلخبط..وماصد عنها وظل يتاملها..!
خاف تفهمه غلط او انها تضايقت من حركته..
ودرى انه اذا وقف كذا بتاخذه افكاره لبعيد..
طالع في الساعه وشاف انه تاخر حيل..
وهو مو ناقص كلمه من ابوه ..
طلع بسرعه لسيارته مايبي يشوفها مره ثانيه..
ويتعلق فيها..
ركب السياره واخذ نفس يهدي نبضه اللي ازعجه..!
وطرى على باله صوتها..
تذكره هي كانت وحده من اللي سمع ضحكهم من هذاك البيت..
لما تذكر هالشي ارتاح..
ليش ما يدري؟؟
.....
ميساء:طيــب منيره درت يا هنوف..!
الهنوف:عادي..وش فيك خايفه مصيرهم يدرون..لاتتوترين وتخربين الدنيا..
انتي واثقه من نفسك..انا في البدايه حذرتك ونصحتك..وقلت لك اذا دخلتي..
ترى ماراح تطلعين مهما حاولتي..!
ميساء بضيقه وبصوت واطي:دقيت عليه..
الهنوف بخبث:بالله كيف كان صوته؟؟

ميساء بعصبيه:هنووف مو وقت استهبالك الحين..!









يتبع

الهنوف:شوفي نجي للجد عاد..الولد..
تقاطعها ميساء:ارخي صوتك ياهبلا لايسمعك احد..!
الهنوف مبستمه:اعصابك طيب..
شوفي الولد..من كلامك عنه ناوي خير ..
وانتي لما عرفتيه من منتدى محترم..واحتكيتي فيها واجد..
وشفتي تعامله وطبعه وكل شي وسولفتوا مع بعض كثير..سواء بالمنتدى او بالمسن..
مع ان من وجهة نظري ماكان له داعي..
تقاطعها ميساء:هنووف..!
هنوف باستهبال:طيب طيب..
وقلتي له ان طموحك تشتغلين في شركه وتصيرين بزنس ومن..
وصدف ان عند ابوه شركه وعرض عليك تشتغلين معهم..
رغم انك باقي ماتخرجتي..
وارسل لك العقد والشروط وكل شي قانوني ع الايميل..
وعطاك رقمه اذا تبين تستفسرين..وانتي من زود الذكاء عطيتيه الرقم..
لكن مثل ما تقولين قلتي له ما يدق ولا دق..!
بس انتي دقيتي..ليش؟؟
ميساء بربكه:..مدري كنت متورطه..ووو
الهنوف بخبث:و ايش؟؟
ميساء بحيا:هيه لا تروحين بعيد تكفين..
الهنوف فقعت ضحك بصوت عالي:ههههههههههه
ميساء عقدت حواجبها:خير ان شاء الله؟؟
الهنوف ماقدرت تتكلم من الضحك:ههههه
ميساء تضرب برجلينها بالارض:وبعدين معك يعني؟؟
الهنوف بعد ما اخذت نفس عميق:سلامتك بس عجبني شكلك وانتي مستحيه..
ميساء:بايخه.. صدقت ان هذا هو السبب اللي خلاك تضحكين يعني؟؟
الهنوف:تبين الصدق مو هو..
ميساء :اجل ايش ان شاء الله؟؟
الهنوف باستهبال:لانك ارتبكتي ومالقيتي جواب لسؤالي..
ميساء تغير الموضوع:طيب..تصدقين من يوم ما اخذت العقد ما كلمته..
الهنوف بخبث:لا واااضح ماشاء الله..
ميساء:هنووف انا اتكلم جد ترى..وبعدين قصدي ع المسن..
الهنوف بجديه:بالله عليك فكرتي شلون تقابلينه؟؟
ميساء:هذي هي المشكله..!
الهنوف:تبين نصيحتي؟؟
ميساء:عااارفه وش بتقولين..تكفين لا تخليني اتحسف اني صارحتك..
مو كفايه منيره ا...
الهنوف باهتمام:وش فيها منيره؟؟
ميساء تتنهد:بتخطب..
الهنوف بفرحه:جد؟؟مبروووك..
ميساء بضيق:الله..يبارك فيك..
الهنوف:وش فيك؟؟
ميساء بابتسامه مصطنعه:لا ولا شي..
الهنوف:لا فيه شي؟؟لا يكون غيرانه؟؟
ميساء بسرعه:لاااا..وش غيرانه وش قالوا لك انا!!
وبضيق تكمل:تراها اختي مهما حصل..








يتبع

الهنوف:اقووول..انا اول مره اجي بيتكم واول مره اهلك يشوفوني ويدرون عني..
وعلى طول ادخل غرفتك بدون مقدمات ولا سلمت على احد..لا بعد احلى موقف عند الباب..
ميساء بدون ما تناظرها وعيونها بالملف اللي كان مع هنوف:عادي بعدين انا قلت لامي انك بتجين..والجايات اكثر لاحقه عليهم..
الهنوف ارتاحت لان ميساء ما دققت على اخر كلمه قالتها:وشو الجايات اكثر؟؟
لايكون بس تبيني اجي واروح على بيتكم؟؟
ميساء ومازالت تناظر:ايه حبيبتي انا محتاجتك..آآه بس لو الحاجز اللي بيني وبين منيره يروح..
ورفعت راسها وكملت بضيق:كان ما احتجت احد..
الهنوف:هيه انتي لا يكون زعلتي ترى ما اقصد..
ميساء مبستمه :ولو ..رغم اني ما عرفتك الا هالسنه..لكن حبيتك..
يقاطعهم صوت جوال هنوف..
اغنية القوس قوسك لعيضه المنهالي..
هنوف:هلا..
المتصل:......
هنوف:ان شاء الله طالعه الحين..
المتصل:....
الهنوف:يالله فمان الله..
ميساء بضيق:بتروحين؟؟
الهنوف :يابنت وراي جامعه شوفي الساعه كم..انا متفشله جايتكم الحين كله بسبب عقدك..
ميساء:طيب فمان الله..
الهنوف بعد ما تغطت وباست ميساء:مع السلامه..
طلعوا من الغرفه ونزلوا لتحت..
كانت ام حمد فوق في غرفتها ومنيره قاعده تفطر..
الهنوف بصوت واطي:هذي منيره صح؟؟
بروح ابارك لها..
ميساء بسرعه تمسك يدها:لا محد قال لها..
الهنوف:مخطوبه ولا تدري هههه
ميساء بعصبيه:هنوف..بعدين باركي لها اخلصي..
الهنوف:طيب طيب..
منيره حست بالاصوات والتفتت عليهم..
شافت ميساء تسكر الباب وهي مبتسمه..
قالت بضيق:سمعت صوت من كان هنا؟؟
ميساء:وحده من صديقاتي بالجامعه هنوف..قريب متعرفه عليها..
ان شاء الله المره الجايه اوريكم اياها..
منيره:وش اللي مجيبها الحين؟؟
ميساء بربكه واضحه:لا بس تعطيني اوراق محتاجتها..
ميساء تندمت انها قالت اوراق وتذكرت ان منيره شايفه العقد..
والحين اكيد بتجيب سيرته..
منيره ماحبت تضغط على ميساء مع انها شاكه بشي وسكتت..

وكملت فطورها..








يتبع

وكملت فطورها..
/
فاقد الشي ما يعطيــه..!
/
فارس في مكتبه ويطالع في شاشة الكمبيوتر..
وطرى على باله مها..
رغم انها من الاساس ما غابت عن خياله..
سرح ثواني بعدها ابتسم بخبث..
وتذكر شكلها وهي تقلده وتقول(ياشينهم السعوديين)
كانت هذي اخر لحظه شافها فيها..
وتذكر شكله بعد لما كان مرتبك وهي اللي مسيطره ع الوضع..
مايدري ليه قلبه نبض بشكل مو طبيعي..
اخذ نفس وقال بخبث:طيب ياآنسه مها..ما اكون فارس اذا ماقلبت الوضع..
وخليتك ترتبكين بحضوري..
مادام ابوي يبيها كذا حاضرين..
اخذ تلفون المكتب ودق على رقم..
بعد فترة قصيره فارس:اهلين..بغيت اسألك عندك ملف المساهمين؟؟
المتصل:.......
فارس:ايه آخر منآقصه بسرعه..
المتصل:.....
فارس:خلاص..الملف فيه بيانات لهم؟؟
المتصل:.......
فارس مبتسم:ايوه هذا اللي ابيه ارسله لمكتبي بسرعه سامع؟؟
المتصل:......
فارس:يالله باي..
ابتسم وكانه حصل على شي كان يبيه..ورجع للكمبيوتر..
استرجع ذكرياته مع البنات برى السعوديه..وتذكر كيف كان يطيحهم بطريقته الخاصه..
رغم ان ثلاث ارباع اللي كان معهم كانوا من اللي يشتغلون في فروعهم..
او حتى مشتركين معهم..لكن ما جرب يحتك في سعوديات..
ابو مشعل سفراته كثيره حيل ونادرا ما يستقر في السعوديه..
كم شهر ويرجع يسافر مره ثانيه..وشركته اللي هنا كان يمسكها ولده مشعل..
اما فارس ما يثق فيه ابدا..عشان كذا كان ياخذه معه وين مايسافر..
ويمسكه اشياء جانبيه في الشغل..فارس ولا همه لانه لاقي اشياء تمتعه برى..
احيانا كان يحس بشوية غيره لان ابوه يفضل مشعل في الشغل او تقريبا ..
بكل شي لكن يرضي غروره بكم الف من ابوه يشغل نفسه فيهم..
قطع زحمة الافكار هذي ..
مشعل مبتسم بهدوء:السلام عليكم..لايكون مشغول والا شي؟؟
فارس رفع راسه:وعليكم السلام..لا تفضل..
وفي نفس الوقت دخل موظف معه ملف..وسلمه لفارس وطلع..
فارس اخذ الملف وقعد يتصفحه..
مشعل بهدوءه المعتاد وهيبته قعد قدام فارس:عندي لك خبر..

فارس وهو يسجل شي من الملف:ايش؟؟










يتبع

/
فاقد الشي مايعطيه..
/
على طاوله ممتده طول غرفة الاجتماعات..
صقر قاعد جنب حمد..
وابو حمد بعيد عنهم شوي ويراجع ملفات..
كل الموظفين طلعوا لان الاجتماع انتهى..
صقر يطق حمد برجله وبصوت واطي:امش خلنا نطلع..
حمد ماكان مركز معه:هاه ايش قلت؟؟
صقر بخبث:من اللي كنت سرحان فيها هاه؟؟
حمد ماكان يفكر بشخص لكن مجرد ماقال صقر هالكلام طرت على باله هنوف..!
حمد بدون تركيز:ولا احد امش نطلع..
وطلعوا من الغرفه ولما قربوا من الباب..
ابوحمد من غير ما يناظر:حمد..
حمد لف بسرعه:سم يبه..
ابو حمد:اختك هي وزوجها بيجون اليوم ان شاء الله..وبنسوي لهم عشا..
واذا تبي تعزم احد بكيفك..
حمد: ان شاء الله..
وطلعوا برى وهم بالممر
حمد:تراك معزوم..
صقر بضحكته المعتاده:هع هع ادري..
حمد ابتسم يحب صقر ويحب جوه..
وكل شي فيه ويكفي ان اللي بينهم عشرة عمر..
/
فاقد الشي ما يعطيه
/
الساعه 2 الظهر تقريبا..
ميساء راجعه من محاضراتها طفشانه..
والهنوف كانت راجعه معها بالسايق..
احاديثهم ما كانت تخلص من اول ما طلعوا من الجامعه..
لحد ما وصلوا للبيت..
بيت الهنوف جنب بيت ميساء..
عشان كذا جوا مع بعض..
ميساء بدلع:هنوووفه تكفين انزلي بس عند الباب مو لازم تدخلين..
بعطيك باقي الاوراق تتاكدين منها عشان خاطري..
الهنوف:ميساء تبين تفشليني بعد..ماراح انزل ارسليها يعني ما تقدرين تنتظرين..
وبعدين لو كانت مهمه كان جبتيها معك..
ميساء بصوت واطي:هنووفه نسيت..وبعدين ناويه اكلمه اليوم..
الهنوف:اف طيب بنزل بس عند الباب..!وياويلك لو درى احد..يا ادخل مثل العالم والناس..مو كاني حراميه..والا بلاها..
ميساء بدلع:طيب..عارفه ان لي خاطر عندك..
الهنوف تعقد حواجبها:اخلصي بس..
ونزلوا لبيت ميساء..
دخلت ميساء وظلت هنوف برى في الحوش..
ذبحها الحر..ونزلت النقاب والشيله..
هي عارفه ان ابو ميساء واخوها في الشغل يعني محد موجود..
والسايق برى في غرفته..

ظلت تنتظر دقايق ما جا احد..







يتبع

كان شعرها اسود والى نص ظهرها ماسكه نصه وفاكه الباقي..
حست بالحر بسببه فكته كله وجت تبي تربطه لفوق هبت هوا خفيفه طيحت شيلتها
ونقابها اللي كانوا على كتوفها..
سمعت صوت باب الشارع ينفتح من وراها..
ارتبكت وسمعت خطوات شخص ولفت تبي تجيب الشيله والنقاب..
وتعثرت رجلها بالعبايه..
مسكها احد من خصرها ورفعها..
قبل ما تطيح..
وقال بصوت يجذب:وش تسوين هنا هاه؟؟
الهنوف حست قلبها بيطلع من مكانه وتملكها الرعب..
قالت بصوت يرجف وهي تلتفت للشخص تبي تشوفه:مــ...ـن؟؟
.........
ميساء داخل البيت تنبش بالاوراق..
معصبه الى الحين ما لقتهم وما بقت درج الا ودورت فيه..
وبعد جهد لقت الاوراق وتنهدت ولفت بسرعه تبي تطلع..
تاخرت على هنوف..
صدمت بمنيره اللي دخلت الغرفه..
منيره مبتسمه:وش فيك بسم الله؟؟
ميساء وهي حاطه الاوراق وراها:ولا شي..
منيره بضيق:ماباركتي لي..
ميساء:على ايش..؟
قبل ما تتكلم منيره قالت ميساء:اها..نسيت والله وبعدين انا ماحبيت ابارك لك الا لما يقولون لك بالاول..
منيره تتنهد:اصلا يمكن ما اوافق..
وقبل ما تنتطق ميساء قالت:ترى دلال بتجي اليوم..
وطلعت من الغرفه..
وميساء ظلت متنحه وحست ان منيره تضايقت..
/
فاقد الشي ما يعطيه
/
فارس قاعد بمكتب ابو مها في شركته..
هو وابوه..
وباله مع خبر مشعل وخطبته من بنت خاله..
حس بضيقه ومزاجه تعكر وقام يقارن نفسه بمشعل..
من البدايه الى النهايه..
ويكفي انه بيتزوج اللي يبيها..!
دخل ابو مها..
وقعد معهم على طاوله متوسطه في وسط المكتب..

بعده بثواني دخلت مها..







يتبع

فارس مخططاته كلها تبخرت بلمح البصر مجرد ما سمع صوت..
خطواتها داخله نسى كل حرف كان بيقوله..
ارتبك وحس ان الوقت غلط وكل شي ضده الحين..
ربكته اللي تجي بحضورها ويحاول يصير طبيعي..
ابوه اللي يرغمه يتزوجها وهو حتى يرفع راسه ويطالع فيها مو قادر..!
وخبر خطبة مشعل والفرق بينهم..
هذي كلها استوطنت راسه بلحظه وعطلت تفكيره وشوشت باله..
ابو مها بصوت خشن:انا اطلعت على كل شي اتفقتوا عليه..
وماعندي أي تعليق او اعتراض..
مها :لا بس في بند من البنود ما كان موجود قبل كذا..
فارس يتكلم في نفسه:هذي وين وانا وين..!
وطول الوقت فارس بس يهز راسه لكل كلمه يقولونها..
ومعهم جسد من غير روح..
وباله مع مها ويعلق على أي شي تنطقه..
يحاول يلقى فيها نقطه يدخل عليها منها..
او يجرب حظه بطريقته مثل ما يقول..
خلص الاجتماع اللي ما اخذ الا نص ساعه تقريبا..
ابو مها وابو مشعل طلعوا من المكتب اول شي..
فارس استجمع كل شجاعته وحب يتحرك من الحين..
ظلت مها ترتب الملفات وهي واقفه بس باقي ما طلعت..
فارس اخذ نفس وقرب من وراها ولصق فيها ومد يدينه حولها بغرض يجمع الاوراق معها..
مها وقفت ثواني وصدرها يطلع وينزل من الخوف..
هنا فارس اختفت ربكته وخوفه لما شافها هي اللي ارتبكت..
وابتسم باستهزاء..
وقرب زياده ومازال يرتب الاوراق هذي الحجه..
مها اخذت نفس وقفت وبكل ثقه لفت عليه وصار وجهها بوجه..
عطته نفس النظره ونفس الابتسامه ونفس رفعة الحاجب..!
اللي سوتها لما قالت له ياشين السعودين..!
عطرها اختلط مع انفاسه وسطى على عطره اللي كان هو اللي مسيطر..
ارتبك اكثر من أي لحظه بحياته..
وقالت مها بثقه ماكانت موجوده قبل شوي:شكرا..
فارس:.....
..
نهاية (الفصل الثاني)
قراءه ممتعه=)

البارت الاول(الفصل الثالث)
فارس:.....
مها تبتسم وتبعده برقه وتمشي من جنبه وتطلع برى المكتب..
فارس غمض عيونه بقوه وضغط على يدينه..
واسنانه كره نفسه ليش يرتبك كذا قدامها..!
ليش يخرب كل شي بثواني مجرد ما يشوف ابتسامتها الواثقه ورفعة حاجبها..
تنهز نفسه لابعد حد بالرغم ان شخصية فارس مو كذا ابدا..
شخصيه متسلطه وتحب التملك وقويه..
لكن قدام ثقة مها تتبخر..
سرح شوي وتنهد وقال في نفسه:انا ليش متعب نفسي لهدرجه..!
سكت ثواني ورجع قال وهو ضاغط على اسنانه بصوت واطي:لا يامها لالا مو انتي اللي تهزيني حتى لو ما ابيك..
حس على نفسه انه قاعد لحاله في المكتب والكل طلع..
مشى بخطوات مهزوزه برى المكتب وشاف ابوه وابو مها ومها..
في الممر يتناقشون..
اخذ نفس عميق عشان ما تبين ربكته قدام مها..
وقف بجنب ابوه..
ابو مشعل بصوته الجهوري:لنا الشرف الشراكه ..ولا تنسى يا ابو مها تراك معزوم لخطبة مشعل..
واعطى نظرة لفارس غير مفهومه..
وكمل كلامه:وعقبال خطبة فارس ان شاء الله..
ابو مها:ان شاء الله ومبروك مقدما لمشعل..
فارس درى ان ابوه اذا حط شي براسه ما راح يطلعه لو ايش..
ومر شريط حياته قدامه وتذكر كل لحظه ابوه اجبره فيها على شي وحرمه من اشياء واجد..
وحتى الحين سلطة ابوه الهستيريه ما زالت موجوده..!
طالع فارس في ابوه وقال بصوت مهزوز:انا طالع الحين تاخرت على موعد مهم..
ابو مشعل تفشل من حركة فارس..
وابتسم ابتسامه من دون نفس وعطى فارس نظرة تهديد غريبه..
لكن فارس ما اهتم وانسحب من عندهم بهدوء..
مها التفتت وطالعت بفارس بنظره غريبه عليها..
كانها تقول له ظل معنا..
فارس ما تاكد من نظرتها او بالاصح ما اهتم..
وطلع برى الشركه ..
وركب الليموزين وقال للسايق يرجع مره ثانيه لابوه..
فتح الجوال وتامل في شي فيه لثواني بعدها
ابتسم بهدوء..
وتنهد ورجع سكر الجوال..
/
فاقد الشي مايعطيه
/
منيره بعد ما نزلت من عند ميساء وهي متضايقه..
قعدت ع الكنبه وتذكرت الشخص اللي صدمت فيه..
تمنت لو تطلع الحين وتشوفه مره ثانيه..
بعدها رجعت لعالم الواقع وهزت راسها وتذكرت انها مخطوبه..
دخلت ام حمد:منوور هنا..
منيره بضيق:اهلين..
ام حمد:جهزتي شي تلبسينه لعزيمة اليوم؟؟لاتنسين يمكن يجون اهل خطيبك..

منيره بصدمه:يجون؟؟








يتبع